Kardioloqlar buzlu suda üzməyin faydaları haqqında mifi dağıtdılar

Amerika Ürək Assosiasiyası buzlu suda üzmənin (qış üzgüçülüyü - Red) faydalarına dair sübutların olmaması barədə xəbərdarlıq edib.
Manevr.az xəbər verir ki, məlumat assosiasiyanın saytında dərc olunub.

Bəiz üzgüçülər hesab edir ki, soyuq suda üzmək immun sistemini gücləndirməklə yanaşı, ürək-damar sağlamlığını da yaxşılaşdıra bilər. Ancaq bu məlumatı sübuta yetirən hələ də çox az dəlil var.
Ekspertlər xəbərdarlıq edirlər ki, bəzi insanlar üçün soyuq su şoku xeyirdən çox zərər verə bilər.
Mənfi 15,5 dərəcə havada suya girməklə insan bədənində soyuq şok yaranır və şəxs bir dəqiqədən az müddətdə ölür. Bədəni soyuq suya batırmaq tənəffüsün, ürək döyüntüsünün və qan təzyiqinin qəfil, sürətli artmasına səbəb olur.
Soyuq suyda uzun müddət qaldıqda, qan həyati orqanları qorumaq üçün ətraflardan bədənin mərkəzinə axır. Bu, qolları və ayaqları yaxşı qan dövranı olmadan qoyur, bu da güc və koordinasiya itkisinə səbəb ola bilər. Eyni zamanda, su bədəndən istiliyi havadan 25 dəfə tez çıxarır ki, bu da hipotermiyanın sürətli inkişafına səbəb olur.
Bəzi tədqiqatlar göstərir ki, buz vannaları və ya qışda üzmək iltihabı və ürək-damar xəstəlikləri riskini azalda bilər.
Lakin digər tədqiqatlarda elm adamları qışda üzgüçülərdə troponinin daha yüksək səviyyədə olduğunu aşkar ediblər. Bu o deməkdir ki, soyuq suda uzun müddət olmaq ürək əzələsinə zərər verə bilər.
Bundan əlavə, beta-blokatorlar qəbul edən ürək xəstəliyi olan insanlar temperaturun qəfil dəyişməsinə adekvat uyğunlaşa bilmirlər.“report”