Qocalığı sürətləndirən gözlənilməz faktor açıqlandı

Yalnızlıq və özünü bədbəxt hiss etmək erkən qocalmanı siqaretdən daha çox sürətləndirə bilər.
Manevr.az oxu.az-a istinadən xəbər verir ki, "Deep Longevity" beynəlxalq əməkdaşlığında iştirak edən amerikalı və çinli alimlər bu qənaətə gəliblər. Onların tədqiqatları "Aging-US" jurnalında dərc olunub.
Tədqiqatçılar 11 mindən artıq yetkin insanda tənhalıq, narahat yuxu və ya narazılıq hisslərinin qocalma sürətinə təsirini ölçüblər. Məlum olub ki, adıçəkilən psixoloji faktorlar bioloji yaşa 1,65 yaş əlavə edir.
Bu göstərici isə yaşayış sahəsinin, tibbi xidmətlərdən istifadə imkanının, ailə vəziyyətinin və siqaretin qocalmağa təsirini üstələyir.
Alimlərin bu qənaətə gəliblər ki, istənilən qocalma əleyhinə terapiya təkcə fiziki deyil, həm də psixi sağlamlığa yönəlməlidir.