Səbahəddin Fazil oğlu Bayramov 1972-cü il noyabrın 26-da Qubadlı rayonunun Dondarlı kəndində anadan olmuşdur. Uşaqlıq yaşlarından çevik və çılğın olduğundan əzizləri və kənd camaatı ona "Qaraca" deyərək müraciət edirdi. Çevikliyin nəzərə alan valideynləri onu Əliyar Əliyəv güləş məktəbinə yönəltmişdi... Kəndlər və rayonlar arası bir neçə yarışlarda Səbahəddin yüksək nailiyyətlər qazanmışdı. Azərbaycan güləş tarixində öz yeri olan güləş ustası Milli Qəhrəman və Pəhliban Şəhid Əliyar Əliyev Səbahəddinin gələcəkdə peşakar güləşçi olacağına inandığın deyirdi... Səbahəddin 1990-cı il Dondarlı kən orta məktəbini bitirdikdən sonra Sürücülük peşəsinə yiyələnmişdi. Səbahəddin Bayramov 1991-ci ilin iyun ayında Sovet ordu sıralarına xidmətə yola salınsa da erməni və havadarlarının ərazi bütövlüyümüzə və suverenliyimizə qarşı çıxması Səbahəddində hiddət doğurmuş, sovetlər birliyinə qulluqdan imtina edərək, 1992-ci ildə Vətənə qayıtmış və könüllü Milli Ordu sıralarına daxil olmuşdur. Səbahəddin Qubadlı rayonunun sərhəd kəndləri ilə bərabər Laçın, Zəngilan, Cəbrayıl, Füzuli və Ağdam rayonları uğrunda gedən döyüşlərdə iştirak edərək igidlik göstərmişdir. Son döyüşü 1994-cü il yanvar ayının 4-də Ağdam rayonunun Güllücə kəndində olmuşdur. Səbahəddin Bayramov qəhrəmanlıqla vuruşaraq şəhidlik zirvəsinə yüksəlmişdir. Bu qəhrəman oğlan 21 il 39 gün cismani olaraq ömür yaşasa da, mənəvi olaraq bizlərin qəlbində yaşıyır və Azərbaycan var olduqca yaşıyacaq. Bu gün şəhid Səbahəddinin 50 yaşı tamam olur... Ruhun şad olsun, Şəhidim nəin ki, uğrunda can verdiyun Güllücə kəndi, doğulduğun Dondarlı kəndi də Qəhrəman Azərbaycan Ordusu tərəfindən azad edilib... Son iki ilə qədər sizlərin ziyarətinə utana, utana üzü qara gəlirdik üzümüzü ağardan şəhid və qazi qardaşlarımız qarşısında baş əyirik! Qəhrəman şəhidimiz Səbahəddin subay idi. Qardaşı və döyüş yoldaşı Bayramov Əli qardaşının adını yaşatmaq üçün öz oğlunun adın Səbahəddin qoyub, Allah şəhidimizin torpağı sanı ömür versin! Eldar müəllimin (Ağakişiyev) şəhid Səbahəddin haqqında məktəbdə oxuduğu dövrdəki xatirəsi. "Həmişə mənə deyərdi Eldar müəllim, mən hərbçi olacam. Hərbi dərslərdə həm nəzəri, həm də praktiki məsələlərdə fəal şagirdlərdən biri idi. Silahların sökülüb yığılmasını elə həvəslə edir di ki, adama elə gəlidi ki, əsil hərbiçidir. Atəş hazırlığı məşqlərində, atəş yarışlarında həmişə yüksək xal toplayırdı. Məktəbin 11-sinifinin hərbi hazırlıq proqramınana uyğun olaqar avtomat silahlardan atəş açmaga rayondakı Xanlıq Kəndində hərbi hissədən silah gətirən 11-ci siniflər arasında yarış keçirilərdi. Sabahəddin həmin yarışmada birinci yerə çıxdı. Bir rus komandiri “Paren nostayaşı snayperist stoli”. Yəni oğlan həqqiqi snaperçisən ki". Bəli, şəhid Səbahəddinin sərras atıcılıq qabliyyəti ilə onlarla erməninin canlı qüvvə və texnikasın məhv etsə də, zalım düşmən gülləsindən də yayına bilmədi. Bir hərbçi kimi yaşamasa da qəhrəman hərbçi kimi şəhid oldu. Şəhidim, məkanın uca, qəbrin nurlu olsun.

Rövşən Murad