Bu gün yaralanan iki mülki şəxsdən biri şairdir

Şair özü bu barədə "Facebook" hesabında məlumat verib.  O, bildirir ki, ayağından qəlpə yarası alıb: A. Orucov aldığı yüngül xəsarətdən sonra ilkin tibbi yardım göstərilərək evə buraxılıb.  Xatırladaq ki, Ermənistan silahlı qüvvələrinin bölmələri tərəfindən sentyabrın 12-si gecə saatlarından başlayaraq açılan atəş nəticəsində Kəlbəcər rayonu ərazisində heyvandarlıqla məşğul olan Goranboy rayonunun Veyisli kəndində yaşayan Kəlbəcər rayonu Bozlu kənd sakini 47 yaşlı Musayev Asim İsa oğlu və Goranboy rayonunun Qaraçinar kəndində yaşayan Kəlbəcər rayonu Ağdaban kənd sakini 38 yaşlı Orucov Arzuman İman oğlu yaralanıblar.  Hazırda A.Musayev Gəncə şəhəri A.Səhhət adına 1 nömrəli xəstəxanada müalicə alır, onun vəziyyəti orta-ağır qiymətləndirilir. ölkə.az