Xəbər lenti
4 yaşlı uşağı amansızlıqla öldürdü: Məhkəmə cəza verdi, yoxsa "istirahət"ə göndərdi?
Bakıda 4 yaşlı qızı öldürməkdə təqsirləndirilən Mehman Mansurova hökm oxunub və o, 11 il müddətinə azadlıqdan məhrum edilib.
Qərar cəmiyyətdə birmənalı qarşılanmadı. Bəziləri hesab edir ki, ortada 4 yaşlı körpənin amansızlıqla öldürülməsi gerçəyi var və bu səbəbdən daha ağır cəza tətbiq edilməli idi. Yüngül cəza tətbiqi, yaxud cəzasızlıq belə qətllərin və cinayətlərin artmasında necə rol oynayır? Bu istiqamətdə qanunlara müəyyən dəyişikliklər olmalıdır?
Manevr.az-ın məlumatına görə, mövzu ilə bağlı publika.az-a danışan Azərbaycan Uşaqlar Birliyinin sədri Kəmalə Ağazadə bildirib ki, bu çox həssas və yaralı bir mövzudur:
“Qətlə yetirilən uşaq olanda, insan bunu heç cür qəbul edə bilmir. Bu hadisədə amansızlıq var idi. Mən bilmirəm onlar hansı xüsusiyyətləri əsas tutaraq həmin cinayəti törədən şəxsə 11 il cəza veriblər. Ümumiyyətlə qərarların dəyişidirilməsi, cəzaların sərtləşdirilməsi kimlərəsə təsir edəcəkmi? Biz cəzanı artırmaqla nə əldə edəcəyik? İnanın ki, cinayət törədən şəxs o hadisənin ağırlığını, yüngüllüyünü düşünmədən bunu edir”.
O qeyd edib ki, biz uşaqların qorunması, müdafiəsi istiqamətində səy göstərməli, addımlar atmalıyıq.
“Cinsi zorakılıq, seksual davranışlara təhriklə bağlı qanunvericilikdə dəyişiklik oldu. Bu, ağır bir maddədir. Uşaqlara qarşı zorakılıqla bağlı maddə əfvə düşmür. Eyni zamanda evlilik yaşının 1 yaş azaldılması ilə bağlı təklif də Milli Məclisdə qəbul edilmədi. Belə halda erkən evliliklər azalacaq?
Əvvəllər bu iş icra hkimiyyətləri tərəfindən “nəzarətdə” idisə, birini bilib üçünü ört-basdır edirdilərsə, artıq bilib, heç nə etməyəcəklər. Çünki heç bir maraq kəsb etməyəcək. Hesab edirəm ki, uşaqların müdafiəsi üçün qanunlar sərtləşdirilməlidir”, - deyə K.Ağazadə yekunlaşdırıb.
Bəs məhkəmə hansı halları nəzərə alaraq belə hökm verib?
Hüquqşünas Babək Həmidov deyib ki, məhkəmə işin bütün hallarına baxıb, cəzanı müəyyən və tətbiq edir.
“Nəticə etibarilə sözügedən hadisə ilə bağlı cəzanın az, yaxud çox olduğunu demək üçün işin bütün halları ilə tanış olmaq lazımdır. Lakin istənilən halda, əgər zərərçəkən tərəfi qərardan narazıdırsa, apellyasiya şikayəti verə bilər”.
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar