Xəbər lenti
““Məğlublar tragikomedyası”na müəlliflik sizlərə nə verəcək?!”— Emil Rasimoğlu yazır...
Emil Rasimoğlu
şair-publisistik,
Azərbaycan Yazıçılar Birliyinin üzvü
Bu gözəlim məmləkətdə üzünü hansı istiqamətə çevirirsən gözlərinə rəzillik, rəzilliyin amansız dişlərindəki köləlik tablosunun görünməməsi mümkünsüzdür. Bəli, məhz illah da bu gözəlim məmləkətdə!
İlin-günün bu çağında, 21-ci əsrin tərəqqi, təfəkkür dönəmində hələ də “vahid namizəd xroniki xəstəliyi” diktator mahiyyəti ilə öz ömrünü yaşayıb, var olmaqdadır...
Bilirsinizmi niyə?
Çünki (az qism istisna!) mühit itaətkardı, mütidi, öz müstəqil düşüncəsini ifadəetmə potensialından, iradəsindən, daxili azadlıq enerjisindən məhrumdu! Mühit mühit deyil, köləlik caynağındakı məhbəsdi!..
İndisə fikirlərimin ardı olaraq vaxt itirmədən keçim sözümün mətləbinə, mərkəzinə;
Bu əlahəzrət camiədə Azərbaycan Kinematoqrafçılar İttifaqına özünü sədri seçdirən (bəli, məhz sədr seçdirən!) Şəfiqə Məmmədova Rasim Balayevdən də üç yaş böyükdür, 81 yaşı var.
Rasim Balayev 76 yaşında o görəvə sahiblənmişdi, şəxsini təyin etdirmişdi(!), Şəfiqə Məmmədova da 81 yaşında necə deyərlər, canı cana çatdırdı, o posta yiyələndi!..
Bu nə “xroniki epidemiya”dır axı?! Bəs, gənc potensiallı, istedadlı, bacarıqlı, azad nəfəsli kadrlar harada qaldı?
Məgər, o İttifaqa rəhbərlik edəcək bir gənc istedad... zəka, idrak sahibi... modern idarəçilikdən xəbərdar olan yeni nəsil nümayəndələrindən bir şəxs tapılmadımı?!
Yenə deyirəm, axı bu durum rəzillikdi, rəzillik!.. Bu rəzilliyi yaşamaq (həm də yaşatmaq!), bu “məğlublar tragikomedyası”na müəlliflik etmək sizlərə müsbət nə verəcək, ay qandal sevdalıları, zindan vurğunları?!
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar