Xəbər lenti
“4 ay su içmədi, indi isə…” – Yanğından sağ çıxan Ləmandan xəbər var
"Ləman hazırda İstanbulda yerləşən "Acıbadem Atakent Hastanesi” xəstəxanasında ağır və həyati təhlükəli müalicə prosesi keçir. Biz 19 mart tarixindən etibarən buradayıq və aylardır davam edən çətin mübarizənin içindəyik”.
Yasamalda baş verən yanğında xəsarət almış Ləman Qulamovanın xalası bildirib ki, Ləmanın vəziyyəti ağır olaraq qalır:
"Fevral ayında "Yeni Klinika”da Ləmanın qida borusu ilə traxeyası arasında 6 sm ölçüdə fistul (yırtıq) aşkar olundu. Bu, son dərəcə riskli və həyati təhlükə yaradan bir vəziyyət idi.Dərhal açıq əməliyyat həyata keçirildi. Əməliyyatdan sonra 1 ay gözləmə müddəti tamamlandıqdan sonra kontrastlı rentgen müayinəsi edildi. Təəssüf ki, yara tam bitişməmiş, kiçik dəliklər qalmaqda davam etmişdi.
Bu müddət ərzində Ləmana düz 4 ay boyunca nə su, nə də qida verildi. Bunun əsas səbəbi həmin dəliklərdən keçən axıntının ağciyərlərə dolaraq ağır pnevmoniya yaratma riskinin qarşısını almaq idi.
Vəziyyətin daha da ağırlaşmaması və endoskopik müdaxilə imkanlarının dəyərləndirilməsi üçün təcili şəkildə Türkiyəyə gətirildi.
Burada həkimlərin qərarı ilə traxeya nahiyəsinə stent yerləşdirildi və yaraların sağalması üçün 6 həftə gözlənildi. 23 may tarixində stent çıxarıldıqdan sonra aparılan müayinədə traxeya girişində hələ də 5 mm ölçüdə dəliyin qaldığı məlum oldu”.
2000-ci il təvəllüdlü L.Qulamova ötən gün yenidən əməliyyat olunub:
"Dünən Ləmana yenidən traxeya stenti taxıldı. Hazırda həkimlər iki fərqli müalicə yolu üzərində müzakirələr aparırlar: 2 həftə sonra selikli qişa toxumasının köçürülməsi əməliyyatı, və ya xaricdən xüsusi sifarişlə gətiriləcək ömürlük xüsusi stentin yerləşdirilməsi.
Aylarla davam edən bu ağır mübarizə həm fiziki, həm də mənəvi baxımdan çox çətin keçir. Buna baxmayaraq, Ləman yaşamaq uğrunda böyük güclə mübarizə aparmağa davam edir.
Dualarınıza və dəstəyinizə çox ehtiyacımız var”.
Qeyd edək ki, Yasamalda çoxmərtəbəli yaşayış binasında baş verən yanğın zamanı 3 nəfər ölüb. Onlardan biri Bakı Milli Geyim Evinin rəhbəri, 1977-ci il təvəllüdlü Hümbətova Könül Vəlibəy qızıdır (Könül Vəlibəyli).
Onun qızı Ləman da kəskin zəhərlənmə diaqnozu ilə xəstəxanaya yerləşdirilib, uzun müddət Bakıda müalicə aldıqdan sonra Türkiyəyə aparılıb. yenisabah.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar