Xəbər lenti
“Qərb də Bakı ilə razılaşdı, artıq Zəngəzur dəhlizi...” – Davtyan
Orta dəhlizin formalaşdırılması ilə bağlı Avropa Birliyi (AB) – Azərbaycan dialoqu dərinləşir.
Manevr.az teleqraf.com-a istinadən xəbər verir ki, bunu erməni analitik Vahe Davtyan deyib.
“Bir neçə gün əvvəl Azərbaycanın rəqəmsal inkişaf və nəqliyyat naziri Rəşad Nəbiyev Orta dəhlizin AB-nin iqtisadi və logistik şaxələndirilməsinə yönəlmiş mühüm layihə kimi nəzərdən keçirilməsi ilə bağlı Avropa Komissiyası ilə əldə olunmuş razılaşmanı açıqlayıb. Orta dəhliz layihəsi artıq bir neçə dəfə AB-nin müxtəlif rəsmiləri tərəfindən, xüsusən də 2022-ci ildə Türkiyə, Azərbaycan və Özbəkistan tərəfindən Daşkənd bəyannaməsinin qəbulundan sonra müsbət qarşılanıb. Orta dəhliz və ya Şərq-Qərb-Orta Transxəzər dəhlizinin məqsədi Mərkəzi Asiya və Cənubi Qafqaz üzərindən Çin-Avropa multimodal nəqliyyat əlaqəsini təmin etməkdir”, - ekspert bildirib.
Davtyan hesab edir ki, Orta dəhliz Avropanın nəqliyyat strategiyasına səmərəli şəkildə inteqrasiya olunub:
“Ən vacib məqam budur: həmin Daşkənd bəyannaməsində Azərbaycanın qərb rayonları ilə Naxçıvan arasında quru nəqliyyat əlaqəsinin yaradılmasına xüsusi diqqət yetirilir. Bəyannamənin 11-ci bəndində qeyd olunur ki, tərəflər beynəlxalq nəqliyyat əlaqələrinin genişləndirilməsi üçün Şərqi Zəngəzur və Azərbaycan Respublikasının Naxçıvan Muxtar Respublikasını birləşdirən Zəngəzur dəhlizinin açılmasını vurğulayırlar.
AB nəqliyyat dəhlizini Avropa-Qafqaz-Asiya nəqliyyat strategiyasının bir hissəsi kimi nəzərdən keçirməkdə davam edir. İndi bunu Orta dəhliz layihəsində yerləşdirməyə çalışır. Məqsəd sadədir: Xəzər dənizi və Mərkəzi Asiyaya əlavə çıxış əldə etmək, karbohidrogen idxal marşrutlarının şaxələndirilməsi, Transxəzər qaz kəmərinin tikintisi.
Bu məsələdə AB ilə Ankaranın maraqları daha çox üst-üstə düşür, xüsusən də sonuncunun beynəlxalq enerji nəqliyyatı mərkəzi olmaq ambisiyalarını nəzərə alsaq. Görünən budur ki, Azərbaycan həm də Şimal-Cənub və Şərq-Qərb meqalayihələrini birləşdirməyi bacaran mühüm nəqliyyat qovşağıdır.
Beləliklə, Zəngəzur dəhlizindən faydalananlar çevrəsində Qərbin marağı getdikcə daha aydın şəkildə görünməyə başlayır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar