.png)
Xəbər lenti
Şura 2017-ci il qrant müsabiqəsinin yekunları haqqında qərar qəbul edib
Bu gün Azərbaycan Respublikasının Prezidenti yanında QHT-lərə Dövlət Dəstəyi Şurasının növbəti iclası keçirilib.
Manevr.az xəbər verir ki, bu barədə Şuranın mətbuat xidmətindən məlumat verilib.
Şura sədrinin müavini Vüsal Quliyev iclası açaraq gündəliyə təklif olunan Şuranın 2017-ci il birinci qrant müsabiqəsinin nəticələri haqqında məsələni elan edib. Gündəlik yekdilliklə təsdiq olunub. Vusal Quliyev sözügedən qrant müsabiqəsinə QHT-lərin 519 layihə təqdim etdiyini və ekspertlərin onlara verdiyi ballarla Şura üzvlərinin tanış olduğunu qeyd edib. Şuranın sədr müavini Katibliyin müsabiqə prosesini Şuranın təlimat və qərarlarına uyğun olaraq lazımı şəkildə təşkil etdiyini deyib.
Şura Katibliyinin icraçı direktoru Fərasət Qurbanov 2017-ci il birinci qrant müsabiqəsinin 1-30 dekabr 2016-cı il tarixlərini və 17 mövzunu əhatə etdiyini bildirib. İcraçı direktor bu müddət ərzində Şuranın elektron bazasına 656 QHT-nin müraciət etdiyini bildirib. Sənədləri qaydasında olan 614 QHT qeydiyyata alınıb. Bunlardan 590 QHT Şuraya layihə təqdim edib. İlkin seleksiyadan sonra 519 QHT-nin layihəsi ekspertizaya təqdim olunub. Onlardan 317 layihə keçid balını toplaya bilib.
Şura üzvləri Şahin İsmayılov, İlqar Məmmədov, Əliməmməd Nuriyev, Emin Həsənli, Sahib Məmmədov, Anar Xəlilov və Rufiz Qonaqov çıxış edərək gündəlikdə dayanan məsələ ilə bağlı rəy və təkliflərini bildiriblər.
Yekun olaraq Şura üzvləri ekspertlərin və Büdcə Komissiyasının rəyini nəzərə alaraq 317 layihənin maliyyələşdirilməsi haqqında qərar qəbul ediblər.
Müsabiqənin nəticələrindən narazı qalan QHT-lər 15 mart 2017-ci il, saat 17:00-dək Şuranın Apellyasiya Komissiyasına müraciət edə bilərlər.
Müzakirələrdən sonra iclasın gündəliyində olan məsələ səsə qoyularaq qəbul edilib.
İclasda Vergilər Məcəlləsinə edilən son dəyişikliklərlə əlaqədar Vergilər Nazirliyinin nümayəndələri ilə QHT-lərin görüşünün təşkil edilməsi də müzakirə olunub.
Müsabiqənin nəticələri ilə 7 mart 2017-ci ildə Şuranın www.cssn.gov.az saytında tanış olmaq mümkündür.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar