.jpg)
Xəbər lenti
Azərbaycan özünü kartofla tam təmin edəcək
Azərbaycanda sağlam kartof toxumçuluğu qurulması istiqamətində atılan addımlar uğurla nəticələnərsə, bu bitkiyə tələbat yaxın 2 ilə yerli istehsal hesabına ödəniləcək.
Manevr.az xəbər verir ki, bu barədə Virtualaz.org-a Kənd Təsərrüfatı Nazirliyindən bildiriblər.
Hazırda Tərəvəzçilik Elmi-Tədqiqat İnstitutunda (ETİ-də) kartof toxumçuluğu laboratoriyasının yaradılması üçün görülən işlər yekunlaşmaqdadır. Bu məlumatı Kənd Təsərrüfatı Nazirliyi bitkiçilik şöbəsinin müdiri İmran Cümşüdov "Azadlıq” radiosuna verib. O, avadanlığın son texnoloji yeniliklərə əsaslandığını deyib.
"Məqsəd – hüceyrə səviyyəsində virussuz kartof toxumları yetişdirməyə nail olmaqdır. Bu məqsədə yetişsək, xaricdən toxum alıb gətirməyə ehtiyac qalmayacaq. Üstəlik, yüksək məhsuldar kartof toxumlarından istifadə etməklə, 950 min tona çatan illik tələbat tam ödəniləcək”-İmran Cümşüdov deyib.
Kartof toxumçuluğu, əsasən, Tərəvəzçilik ETİ-nin Tovuz və Gədəbəy rayonlarındakı zona təcrübə stansiyalarında gəlişdiriləcək. Həmin stansiyalarda yetişdiriləcək toxumlar artırılmaqdan ötrü özəl toxumçuluq təsərrüfatlarına satılacaq.
Bu il ölkədə 880 min ton kartof yetişdirilib. Dövlət Statistika Komitəsi (DSK) bildirir ki, hər hektarın orta məhsuldarlığı 14 tondur. Kənd Təsərrüfatı Nazirliyində düşünürlər ki, gələcəkdə bu göstəricini, bölgədən və sortdan asılı olaraq, 30-40 tonadək çatdırmaq 2016-cı ildə əkin üçün tələb olunan kartof toxumunun bir hissəsi (2 min 757,3 ton) xaricdən gətirilib. Fermerlər, əsasən, Rusiya sortlarına üstünlük verirlər. Elə ərzaqlıq kartofun da əsas hissəsi (59 min ton) bu ölkənin payına düşür.
Dövlət Gömrük Komitəsinin (DGK-nın) məlumatına görə, bu ilin 9 ayında Azərbaycana Rusiya, İran, Pakistan, Türkiyə və başqa ölkələrdən 110 min ton - əvvəlki ildəkindən 29,2 min ton və ya 36 faiz çox təzə kartof gətirilib. İdxalın toplam həcmi 19,8 milyon ABŞ dolları dəyərindədir. Gömrük sistemindəki son şəffaflaşma bir ton kartofun sərhəddə 180,4 dollara və ya əvvəlkindən 8 dəfə baha rəsmiləşdirməyə yol açıb.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar