Xəbər lenti
Banklardan gələn "hədə" sms-ləri: məhkəməyə verib pul ala bilərsiniz
Son zamanlar bəzi bankların kredit borcu olan şəxslərin iş yerinə zəng etməsi, hətta krediti ödəyə bilməyən şəxs dövlət qurumunda çalışırsa, onun tabe olduğu nazirliyə məlumat verəcəyi ilə bağlı hədələr artıb. Bəzi banklar belə təzyiqlərdən istifadə etməklə borcun ödənilməsinə çalışırlar.
Manevr.az xəbər verir ki, bu barədə iqtisadçı Vüqar Bayramov məlumat verib. O qeyd edib ki, bankın öz borcunu istəməsinə heç kim etiraz etmir, amma bu sivil və qanuvericiliyin imkan verdiyi hallar çərçivəsində olmalıdır. İqtisadçı hədə metodlarının səmərəsziliyi ilə yanaşı, eyni zamanda qanunvericiliyə zidd olduğunu vurğulayıb.
V.Bayramov belə hallarla rastlaşanlara öz məsləhətini bildirib: "Bank borclu ilə bağlı məlumatları ictimai şəkildə bölüşməklə ödənişi tələb edə bilməz. Əgər borcunuz varsa və bank sizə bu yollar ilə təzyiq edirsə, daha məqsədəuyğundur ki, sizi hədələyən bankı məhkəməyə verərək kompensasiya tələb edəsiniz".
Onun sözlərinə görə, mövcud qanunvericilik vətəndaşlara belə banklardan kompensasiya tələb etmək və almaq hüququ verir: "Bununla hədə yolu seçərək sizdən borc tələb edən banklardan siz pul alın. Bu, həmçinin belə banklara borcu olanlardan pulu daha sivil yollar ilə istəmək vərdişi aşılaya bilər".
İqtisadçı bu yaxınlarda ona müraciət edən və bank tərəfindən vətəndaşa göndərilən “hədə” sms ilə də tanış olub. O, sözügedən mesajı ironiyayla belə şərh edib: "Bəzi bank əməkdaşlarının “iş prinsipləri” daha aydın bəlli olur".(bizimyol.info)
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar