.png)
Xəbər lenti
İnsanlar gizli şəkildə bunu edəcək - Sosioloq
Uşağın cinsinin təyininə görə müayinənin aparılmasının və cinsi mənsubiyyətə görə hamiləliyin süni pozulmasının qadağan olunması gizli abortların sayını artıracaq. Bəziləri qonşu ölkələrdə abort etdirəcək, bəziləri tanışlarına etdirəcək. Bunun üçün hər zaman vurğulamışam ki, qadağaları maarifləndirmə işləri aparmadan qəbul etmək düzgün deyil.
Manevr.az-ın məlumatına görə, bu sözləri axar.az-a açıqlamasında sosioloq Əhməd Qəşəmoğlu deyib. O bildirib ki, oğlanların sayının çoxalması problem yaratmayacaq:
“Son vaxtlar söz-söhbət var idi ki, oğlanlar çox doğulur, qızları isə abort edirlər. Hər zaman demişəm ki, oğlanların çox doğulması heç bir problem yaratmır. Çünki oğlanlar çox vaxt ölkədən xaricə gedir və buna görə onların sayı azalır. Oğlanların çox doğulması demoqrafiq cəhətdən çox yaxşı haldır. Bu göstərici mənəvi cəhətdən qorxulu bir statistika idi ki, insanlar öz qız övladlarını qətl edirlər. Bu insanlarda mənəvi zərbəyə, dinsizliyə, eyni zamanda xoşa gəlməyən psixoloji aşınmalara səbəb olur. Ona görə də təbii ki, bunun qarşısı alınmalı idi.
8 kişidən biri evlənmək üçün qız çatışmazlığı problemi ilə üzləşəcək xəbəri əsassız idi. Belə şeylər olmayacaq. Əksinə, oğlanlar xarici ölkələrə gedən zaman qızlar çox qalır və problem yaranır”.
Sosioloq qeyd edib ki, qız övladının doğulmasına görə boşanmaların baş verməsi halları xeyli azalıb:
“Buna görə də hesab edirəm ki, hamiləliyin süni pozulmasının qadağan edilməsi boşanmalara təsir etməyəcək. Onsuz da qız övladının doğulmasına görə boşanma ehtimalı olan şəxslər abort üçün müxtəlif yollar axtarıb tapacaq”.
Qeyd edək ki, “Reproduktiv sağlamlığın qorunması haqqında” qanun layihəsinə əsasən, ölkəmizdə cins ilə bağlı irsi xəstəliklərin keçmə ehtimalı yüksək olduğu hallar istisna olmaqla, uşağın cinsinin təyininə görə müayinənin aparılması və cinsi mənsubiyyətə görə hamiləliyin süni pozulması (selektiv abort) qadağan olunur.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar