_99.jpg)
Xəbər lenti
Özəl klinikalar hotel xidməti də göstərir-Bakıda xəstəxanada qalmaqal - FOTOLAR
Bakıda fəaliyyət göstərən özəl klinik xəstəxanaların biri xəstənin yaxınlarından gecə qalmaları üçün əlavə vəsaitin ödənilməsini tələb edir.
Manevr.az xəbər verir ki, bu barədə sosial şəbəkədə Elşən Məhərrəmli adlı istifadəçi paylaşım edib.
Onun paylaşdığı elan isə “Premium” klinikasına aiddir. Elandan da aydın görünür ki, gecə xəstənin qalması üçün ödəniş etmək lazımdır. Hətta bunu da yaş qruplarına bölüblər.
Belə ki, 10 yaşadək uşaqların yanında qalmaq pulsuz, 11-13 yaş arası yeniyetmələrin yanında qalmaq üçün isə təyin olunmuş məbləğin 50 faizini ödəmək lazım olacaq.
Məsələ ilə bağlı klinikanın rəhbəri Mübariz Nağıyev oxu.az-a açıqlama verib. O, elanın, həqiqətən də, onun rəhbərlik etdiyi müəssisəyə aid olduğunu etiraf edib: “Biz qanunsuz heç bir iş görmürük. Nə ediriksə, hamısı Azərbaycan qanunvericiliyinə tam uyğundur. Bu elanın yerləşdirilməsi də həmçinin. Biz özəl klinikayıq və bu cür ödənişlərin alınması tam qanunidir. Bu cür ödənişlər istər ölkəmizin, istərsə də digər dövlətlərin xəstəxanalarında aparılır”.
M.Nağıyev bildirib ki, xəstənin yanında 1 nəfərin qalması üçün 30 manat məbləğində ödəniş müəyyən edilib: “Bu, elə də böyük məbləğ deyil. Biz bu pulu gecəni xəstəxanada keçirən xəstələrin yaxınlarından yataq dəstindən istifadəyə görə alırıq”.
Səhiyyə Nazirliyindən isə oxu.az-a bildirildi ki, bütün dövlət müəssisələrində pasientlərə pulsuz olaraq xidmət göstərilir. Stasionar müalicə alan xəstələrin yaxınlarının onlara baş çəkməsi tam ödənişsizdir: “Amma orada müəyyən vaxt təyin olunur. Yəni təyin olunmuş vaxtda xəstənin yaxınları onlara baş çəkə bilər. O ki qaldı özəl tibb müəssisələrinə, onlar xəstəxanalara müraciət etmiş pasientlərlə münasibətləri Azərbaycan qanunvericiliyi çərçivəsində özləri müəyyən edir”.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar