.png)
Xəbər lenti
Sumqayıt məhkəməsində azyaşlının ölümü ilə bağlı məhkəmə davam etdirilib – Vəkil prosesdə bir sıra vəzifəli şəxslərin dindirilməsini tələb edib
3 yaşlı Arzu Qurbanlının "Real" Tibb Mərkəzində əməliyyatdan sonra vəfat etməsi ilə bağlı məhkəmə prosesi Sumqayıt şəhər Məhkəməsində hakim Ruqiyyə Əsgərovanın sədrliyi ilə davam etdirilib. Oktyabrın 25-də keçirilən növbəti prosesdə həkim-kardioloqlar Həşimova Mehri Abdul qızı və Rzayev Elşən Asif oğlu şahid qismində ifadə veriblər.
Hər iki şahid ifadələrində bildiriblər ki, əməliyyatdan sonra vəfat edən Arzu Qurbanlının əməliyyat öncəsi müayinələri ilə tanış olublar. M. Həşimova xəstənin kardioloji müəyinəsində müəyyən narahatlıqların olduğunu, bu üzdən onun hərtərəfli analizlərinə ehtiyac olduğunu bildirib. Bunun üçün həkim-kardioloq Elşən Rzayevlə də məsləhətləşmələr aparıb.
Şahidlərin ifadəsindən sonra təqsirləndirilən anestezoloq-həkim İsmayıl Qənbərovun vəkili Əli Hüseynov hakim qarşısında vəsadətlə çıxış edib. Vəkil işlə əlaqədar bir sıra şəxslərin məhkəməyə dəvət edilməsini və dindirilməsini tələb edib. Dəvət edilənlərin sırasında respublikanın baş anestezoloqu, Sumqayıt şəhərinin baş cərrahı və digər mütəxəssislər də var.
Vəsadət hakim tərəfindən qəbul edilib.
Növbəti məhkəmə prosesi noyabrın 1-ə təyin edilib
Xatırladaq ki, Sumqayıt şəhər sakini, 2014-cü il təvəllüdlü Qurbanlı Arzu Sənan qızı 2016-cı il iyunun 16-da günorta saatlarında Sumqayıt şəhərindəki "Real" Tibb Mərkəzində boğazında damaq badamcıqlarının (qlanda) iltihabından əməliyyat olunduqdan sonra vəfat edib. Faktla bağlı Sumqayıt şəhər Prokurorluğunda Cinayət Məcəlləsinin 124-cü (ehtiyatsızlıqdan adam öldürmə) və 320.1-ci (Rəsmi sənədləri, dövlət təltiflərini, möhürləri, ştampları, blankları saxtalaşdırma, qanunsuz hazırlama, satma və ya saxta sənədlərdən istifadə etmə - hüquq verən və ya vəzifədən azad edən vəsiqəni və ya digər rəsmi sənədi istifadə etmək məqsədi ilə saxtalaşdırma və ya qanunsuz hazırlama, yaxud bu cür sənədi satma, habelə eyni məqsədlə Azərbaycan Respublikasının saxta dövlət təltifini, ştampı, möhürü, blankı hazırlama və ya satma) maddələri ilə cinayət işi başlanılıb və "Real" Tibb Mərkəzinin həkim-anestezioloqu İ. Qəmbərov təqsirləndirilən şəxs qismində cəlb edilib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar