_99.jpg)
Xəbər lenti
Azərbaycan məscidlərində axund vəzifəsi niyə ləğv olundu? – Açıqlama
Sentyabrın 14-də Qafqaz Müsəlmanları İdarəsinin (QMİ) Qazilər Şurasının keçirdiyi iclasda Azərbaycan məscidlərində axund vəzifəsinin ləğvi ilə bağlı qərar qəbul edilib.
Manevr.az “A24.az”-a istinadən bildirir ki, qərara əsasən məscidlərdə vahid idarəçilik sisteminə keçilir və bütün məscidləri idarəe dənlər imam statusu alacaqlar.
Verilən qərarın nədən qaynaqlandığını və hazırda məscidlərdə axund vəzifəsini icra edənlərin aqibətinin necə olacağını aydınlaşdırmaq üçün “Heydər” məscidi ilə əlaqə saxladıq. Məscidin axundu Rüfət Qarayev məsələyə bu cür münasibət bildirdi:
Rüfət Qarayev
“Mahiyyət etibarı ilə hər ikisinin vəzifəsi eynidir. Yəni imam da, axund da eyni vəzifəni icra edir. Hər məzhəbin başında duran bir rəhbər var. Biz məsciddə namaz qılanda demirik ki, namazın axundu?! Namazda imam durar. Çünki cümə namazlarını hər zaman qıldıran imam olur. İmam qabaqda durur, arxasında isə kütlə dayanır. Sadəcə bizim kökümüzdə qədim adətlərdən, ənənələrdən gələn bir adət var ki, şiə məzhəbinin rəhbərinə axund deyilir. Məzhəblər arasında da artıq axund deyiləndə şiəyə məxsusluq, imam deyəndə sünniyə məxsusluq aydın olur. Məxsusluqlar götürülsün deyə, hər kəs öz məzhəbində qalır, sadəcə ad olaraq hər kəsə imam deyə müraciət ediləcək. Azərbaycanda bütün məscidlərdə axundlar ixtisar olunmur, sadəcə vəfizə olaraq dəyişilib imam olacaqlar”.
Axund vəzifəsinin dəyişdirilməsi ilə bağlı verilən qərara gəldikdə Rüfət Qarayev axund sözünün İran və Türkiyə kimi müsəlman ölkələrində işlədilmədiyini vurğuladı:
“Əvvəllər biz bu cür məsələlərlə çox qarşılaşrdıq. Məsələn, gəlib deyirdilər ki, axund lazımdır. Soruşanda ki, sən şiə məzhəbindənsə, deyirdi yox, sünniyəm. O zaman onun üçün imam gəlirdi. Və ya əksi ilə qarşılaşırdıq. Amma əslində məsələnin əsas məqsədi insanların verdikləri suallara dolğun cavablarını almalarıdır və yaxud da məzhəbinə görə onu maraqlandıran bir məsələ varsa, imamla danışsın. Yəni əhli sünnə məzhəbinə məxsus olan məsələləri əli sünnə imamı, əhli şiə məzhəbinə aid olanları isə əhli şiə imamı icra edəcək. Sadəcə vəzifə ad olaraq dəyişdirilib. Ona görə ki, axund adı nə Türkiyədə, nə İranda, nə də Səudiyyə Ərəbistanında mövcud deyil. Hətta şiə ölkələrində belə axund adından istifadə olunmur”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar