Xəbər lenti
Vatsap hər mesaja görə ödəniş almağa başlayacaq
Vatsap Qazaxıstanda biznes hesabları üçün yeni qiymət siyasətinə keçir. Oktyabrın 1-dən qüvvəyə minməsi planlaşdırılan sistemə əsasən, avtomatlaşdırılmış mesajlaşma və Vatsap Biznes Platformundan istifadə edən şirkətlər müəyyən saydan artıq mesaj göndərdikdə əlavə ödəniş etməli olacaq.Yeni qaydalar milyonlarla fərdi Vatsap istifadəçisinə və tətbiqdən telefon vasitəsilə əl ilə istifadə edən kiçik bizneslərə şamil olunmayacaq.
Müştərilərlə birbaşa və əl ilə yazışan kiçik sahibkarlar əvvəlki kimi əlavə mesaj ödənişi olmadan Vatsapdan istifadə edə biləcəklər.
Qiymət dəyişikliyi əsasən avtomatlaşdırılmış mesajlaşma, kütləvi bildirişlər, chatbotlar və CRM sistemləri vasitəsilə Vatsap Biznes Platformundan istifadə edən orta və iri şirkətləri əhatə edir.
Yeni modelə əsasən, hər biznes nömrəsi üçün ayda 1 000 pulsuz mesaj limiti nəzərdə tutulur. Bu limit keçildikdən sonra göndərilən əlavə mesajlar üçün ödəniş alınacaq.
Qazaxıstanda bir mesajın qiymətinin təxminən 0,018 ABŞ dolları, yəni 8 tenge olacağı bildirilir.
Məsələn, ay ərzində 10 min mesaj göndərən şirkətin ilk 1000 pulsuz mesajı nəzərə alınmayacaq. Qalan 9 min mesaj üçün isə ödəniş hesablanacaq.
Bu halda aylıq xərcin təxminən 162 ABŞ dolları və ya 72 min tenge təşkil edəcəyi qeyd olunur.
Mənbədə qeyd olunur ki, Meta Vatsap Biznes Platformundan istifadə edən şirkətlər üçün mesaj və söhbət əsaslı ödəniş modelini müxtəlif bazarlarda artıq tətbiq edir.
Türkiyədə də Vatsap Biznes Platformunu API vasitəsilə sistemlərinə inteqrasiya edən orta və iri şirkətlər marketinq, təsdiqləmə və müştəri xidmətləri məqsədilə göndərilən mesajlara görə mesaj kateqoriyasından asılı olaraq ödəniş edirlər.
Adi Vatsap və standart Vatsap Biznes tətbiqindən telefon üzərindən əl ilə istifadə edən fərdi şəxslər və kiçik bizneslər üçün isə bu model tətbiq edilmir.
Qazaxıstandakı yeni dəyişiklik də əsasən bizneslərin Vatsapın avtomatlaşdırılmış və API əsaslı imkanlarından istifadəsinə yönəlib. musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar