Xəbər lenti
Bu məktəb direktorları həbs edilməlidir
Tamada-şairə Nazilə Səfərlinin Bakıda tıxaclarla bağlı paylaşdığı video sosial mediada müzakirələrə səbəb olub. O bildirib ki, valideynlər uşaqlarını yaşayış yerindən uzaqqda yerləşən məktəblərə qoyduqları üçün tıxac yaranır. Bəziləri isə onun öz uşağını məktəbdən maşınla götürməyə getdiyi halda insanları tənqid etdiyi yazıb.
Manevr.az-ın xəbərinə görə, mövzu ilə bağlı axar.az-a danışan sənətçi Nazilə Səfərli bildirib ki, onun məktəb yaşında övladı yoxdur.
“Mənim o yaşda uşağım var?! Həyatımda iki dəfə ana olmuşam, ikisi də yekə kişidir. Birinin 29 yaşı, birinin də 27 yaşı var. Bağçaya gedən nəvəm də yoxdur. Mənim uşaqlarım öz yaşadığımız ərazidə oxuyublar. Bir oğlum 8-ci sinifdən özəl liseyə keçdi, 2 km yolu velosipedlə gedib-gəlirdi.
Xalqın nümayəndəsi olaraq fikrimi bildirməyə haqqım var. Düşünürəm ki, qeydiyyatı olmayan əraziyə, başqa rayonun ərazisindən digər rayona məktəbə uşaq qəbul edən məktəb direktorları hamısı həbs olunmalıdır. Çünki qanunvericilikdə kim harada yaşayırsa, orada da oxumalıdır.
Əgər bir uşaq 6 yaşında Buzovnada, Yasamalda yaşayıb şəhərin mərkəzində dərsə gedirsə, o uşaq gündə 2-3 saat tıxacda qalır. Uşağı ora aparmaqla uşağın gələcəyi təmin edilmir, o uşaq məhv edilir. Eyni zamanda da cəmiyyətə tıxaclarla əziyyət verilir”, - o vurğulayıb.
Sənətçinin sözlərinə görə, hər rayonda hamıya çatacaq qədər məktəb var:
“Tıxacın səbəbi təkcə bu deyil, amma birinci növbədə budur. Yayda tıxac var idi şəhərdə?!
Videoda əsəbiləşib “xəstəsən” demişəm, təbii ki, bu, yaxşı hərəkət deyil. Amma mən kimisə konkret şəxs olaraq təhqir etməmişəm. Mən xalqı düşünüb danışıram. Mən danışmayım, sən danışma, bəs kim danışsın?!”
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar