Xəbər lenti
Bu ayranlarda jeleyəbənzər maddə niyə yaranır?
Təbii üsulla hazırlanan ayranda əsasən qatıq, su və duzdan istifadə olunur. Lakin sənaye üsulu ilə istehsal edilən ayranlarda məhsulun homogenliyini qorumaq, suyunun ayrılmasının qarşısını almaq və saxlanma müddətini uzatmaq məqsədilə müxtəlif stabilizatorlardan və digər qida əlavələrindən istifadə edilir.Manevr.az-ın xəbərinə görə, bu sözləri axar.az-a açıqlamasında qida eksperti Məhsəti Hüseynova sənaye ayranlarının tərkibi haqqında danışarkən deyib.
Onun sözlərinə görə, bu maddələr suyun ayranın tərkibinə daha yaxşı bağlanmasını təmin etdiyindən, sonradan əlavə su qatıldıqda jeleyə və ya gelə bənzər hissəciklər əmələ gəlir:
“Ayranda müşahidə olunan bu cür hissəciklərin yaranması əsasən homogenləşmə prosesi, süd zülalı konsentratından istifadə edilməsi və ya məhsulun xammal kimi quru süddən hazırlanması ilə əlaqədardır. Məhz bu səbəbdən sənaye üsulu ilə istehsal olunan ayranla ev şəraitində hazırlanan ayranın tərkibi, qatılığı və xüsusiyyətləri bir-birindən fərqlənir. Sənaye üsulu ilə istehsal olunan ayranları alarkən onların tərkibinə əlavə su və lazımsız qatqı maddələrinin daxil edilməməsinə diqqət yetirilməlidir. Həmçinin məhsulu alarkən istehsal tarixi, son istifadə müddəti, saxlanma şəraiti və tərkibi diqqətlə yoxlanılmalıdır. Tərkibində çoxlu kimyəvi qatqılar olan məhsulların isə gündəlik istifadəsi məsləhət görülmür”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar