Xəbər lenti
Qarpız və yemişdə bu əlamətləri görsəniz, almayın
Manevr.az xəbər verir ki, bu barədə Azərbaycan Qida Təhlükəsizliyi İnstitutunun İctimaiyyətlə əlaqələr şöbəsi məlumat yayıb.
Bildirilib ki, ilk növbədə məhsulun xarici görünüşü qiymətləndirilməlidir. İstehlakçılar qarpız və yemiş alarkən onun rənginə, bərkliyinə, ölçüsünə və saplağına diqqət yetirməlidirlər. Məhsulun üzərindəki sarı ləkələr onun torpaqla təmas etdiyi hissələri göstərir.
Məlumata görə, qarpızın qabığının hamar və parlaq olması onun təzə və yetişmiş olduğuna işarədir. Solğun görünüş isə məhsulun köhnə olmasını göstərə bilər. Saplağın yaşıl olması qarpızın tam yetişmədiyini, qurumuş olması isə yetişdiyini göstərir. Həmçinin qarpız və yemişin üzərində çürük və ya çatların olmaması vacibdir.
Qeyd olunub ki, qarpız və yemiş torpaqla təmasda yetişdiyindən onların səthi müxtəlif mikroorqanizmlərlə çirklənə bilər. Bu səbəbdən məhsullar kəsilməzdən əvvəl axar su altında yaxşıca yuyulmalı, təmiz və quru bıçaqla doğranmalıdır.İnstitutun tövsiyəsinə əsasən, qarpız və yemiş kəsildiyi gün istehlak edilməlidir. Bütöv qarpızın 10–15°C temperaturda, doğranılmış hissələrinin isə ağzı kip bağlanan qabda +5°C temperaturda saxlanılması məsləhət görülür.
Ətraflı məlumatla Azərbaycan Qida Təhlükəsizliyi İnstitutunun rəsmi resursları vasitəsilə tanış olmaq mümkündür.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar