Sözügedən məktəbdə övladları təhsil alan valideynlərin iddiasına görə 6 ildən çoxdur ki, məktəbin 3-cü mərtəbəsində Elm və Təhsil Nazirliyinə bağlı qurumlardan biri fəaliyyət göstərir.
Onların əsas narazılığı isə həmin quruma gələn kənar şəxslərin məktəbin daxilindən sərbəst giriş-çıxış etməsi və şagirdlər üçün nəzərdə tutulmuş sanitar qovşaqlarından istifadə etməsidir.
Valideynlər məsələ ilə bağlı imza kampaniyasına başladıqlarını bildiriblər. Onlar məktəbin tamamilə şagirdlərin istifadəsinə verilməsini tələb edirlər.
Məsələ ilə bağlı Bakı Şəhəri üzrə Təhsil İdarəsinin Media və ictimaiyyətlə əlaqələr sektorunun müdiri Bəşarət Məmmədov bildirib ki, sözügedən məktəbdə mövcud yer imkanı nəzərə alınmaqla Bakı Şəhəri üzrə Təhsil İdarəsinin 2 saylı Xidmət və əməliyyat mərkəzi fəaliyyət göstərir.
“Qeyd olunan Xidmət və əməliyyat mərkəzi Qaradağ, Səbail və Yasamal rayonları ərazisində yerləşən təhsil müəssisələrinə xidmət göstərir.
Mərkəzin əməkdaşlarının binaya daxil olması siyahı üzrə tənzimlənir və təhsil müəssisəsinin normal fəaliyyətinin qorunması məsələlərinə ciddi nəzarət olunur”. bizim.media
