Xəbər lenti
Xocalıda çəkilən həmin fotodakı şəxslər illər sonra görüldülər
Xocalı sakini illər əvvəl onu ölümdən xilas edən qəhrəmanla yenidən bir araya gəlib.Xocalı rayon sakini Nigar Cəfərova 1992-ci ilin fevralında, Xocalı soyqırımı zamanı onu xilas edən keçmiş döyüşçü Allahverdi Əzimovla görüşüb.
Görüş Ağdam rayonunun işğaldan azad edilmiş Saybalı kəndində təşkil olunan Novruz şənliyi çərçivəsində baş tutub. Nigar Cəfərova 34 il əvvəl baş vermiş faciəvi gecədə yaşamaq ümidini itirdiyi anda Allahverdi Əzimov tərəfindən xilas edildiyini bildirib. O, bu görüşün onun üçün böyük mənəvi əhəmiyyət kəsb etdiyini və xilaskarına olan minnətdarlığının ifadəsi olduğunu vurğulayıb.
Keçmiş döyüşçü Allahverdi Əzimov isə həmin ağır günləri xatırlamağın çətinliyindən bəhs edərək, mülki şəxslərin həyatını xilas etməyin onun üçün bir insanlıq borcu olduğunu qeyd edib. O, faciə zamanı atılan hər bir addımın məhz bu amala xidmət etdiyini diqqətə çatdırıb.
Görüş zamanı N.Cəfərova xilaskarını ailə üzvləri ilə tanış edib və bu tarixi anı xatirə fotoları ilə əbədiləşdiriblər.
Xatırladaq ki, 1992-ci il fevralın 26-da Ermənistan silahlı qüvvələri tərəfindən törədilən Xocalı soyqırımı Azərbaycan tarixinin ən qanlı səhifələrindən biridir. metbuat.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar