Xəbər lenti
Azərbaycanın bəzi çaylarında sululuq artır: Sel təhlükəsi
Son günlər şimal bölgəsində hava şəraiti sabit keçir. Əvvəlki günlərlə müqayisədə temperatur təxminən 10-12 dərəcə yüksəlib. Temperaturun bu cür artması dağlarda qarın əriməsinə səbəb olur. Bu isə öz növbəsində çaylarda sululuğun artması ilə nəticələnir.
Hazırda Qudyalçayın Quba şəhərindən keçən hissəsində saniyədə təxminən 2.5 kubmetr su axını qeydə alınır ki, bu da sel təhlükəsinin yarana biləcəyindən xəbər verir.
Manevr.az xəbər verir ki, bu barədə AzTV-nin süjetində bəhs edilir.
Təkcə Qudyalçayda deyil, digər dağ çaylarında da əvvəlki günlərlə müqayisədə sululuğun artdığı müşahidə olunur. Suyun bulanıq olması da dağlarda qarın intensiv əriməsinin göstəricisidir.
Bu vəziyyət, xüsusilə, çaykənarı yaşayış məntəqələri üçün müəyyən təhlükə yaradır. Qarşıdakı günlərdə çaylarda suyun səviyyəsinin daha da yüksələcəyi istisna edilmir. Eyni zamanda, həftə sonuna doğru yağıntılı hava şəraiti proqnozlaşdırılır ki, bu da həm yağış, həm də qar əriməsi nəticəsində sululuğun artmasına səbəb ola bilər.
Mövcud təhlükənin qarşısını almaq məqsədilə rayonlarda su-meliorasiya sistemlərinin istismarı idarələrinin ağır texnikası çaylara cəlb olunub. Hazırda sahilbərkitmə və məcranın tənzimlənməsi işləri aparılır. Bu tədbirlər suyun axınının daha çox çayın ortasına yönləndirilməsinə və sel riskinin azaldılmasına xidmət edir.
Bununla yanaşı, aidiyyəti dövlət qurumları əhaliyə, xüsusilə, çaykənarı ərazilərdə yaşayan vətəndaşlara ehtiyatlı olmağı və təhlükəsizlik qaydalarına ciddi riayət etməyi tövsiyə edirlər.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar