Azərbaycanda yol-nəqliyyat hadisələrinin əsas səbəblərindən biri kimi sükan arxasında diqqətin yayınması göstərilir. Xüsusilə, mobil telefondan istifadə son illər qəzaların artmasına təsir edən əsas risk faktorlarından biri hesab olunur. Statistika və real hadisələr göstərir ki, bir neçə saniyəlik diqqətsizlik belə ağır nəticələrə gətirib çıxara bilər. Buna baxmayaraq, hazırda bu pozuntuya görə tətbiq edilən cərimə məbləği cəmiyyətdə birmənalı qarşılanmır və daha sərt sanksiyaların tətbiqi məsələsi gündəmə gəlir. Bəs sükan arxasında mobil telefondan istifadə edənlərin sürücülük vəsiqəsinin müvəqqəti ləğvi Azərbaycanda real və məqsədəuyğun addım sayıla bilərmi?
“Bu, o qədər də ağır xəta deyil ki, buna görə sürücünü birbaşa vəsiqədən məhrum edəsən. Lakin sanksiyalar ağırlaşdırılsa, daha effektiv nəticə əldə etmək mümkündür”.
“Təəssüf ki, bəzi sürücülər bu məsələdə artıq “peşəkarlaşıblar”. Polis saxlayan zaman telefonu gizlədir, yerə atır və ya istifadə etmədiyini iddia edirlər. Sanki haqlı olduqlarını düşünürlər”.
“Dəfələrlə baş verib ki, sürücülər qəza törətdikdən sonra etiraf ediblər ki, diqqətləri telefona yayındığı üçün hadisə baş verib. İnsanlar anlamalıdır ki, sükan arxasında telefonla danışmaq və ya yazışmaq yalnız inzibati xəta deyil, həm də həyati riskdir”.
