Azərbaycanda boşananlar cərimələnəcək? — AÇIQLAMA — AÇIQLAMA

Sosioloq Mail Yaqub bildirib ki, bu rəqəmlər cəmiyyətdə çox ciddi və eybəcər vəziyyətin formalaşdığını göstərir:

“Artıq boşanmaların sayı 50 faizi keçib, hətta 60 faizə yaxınlaşır. Bu, sadəcə statistika deyil, ailə institutunun dərin böhran içində olduğunun açıq göstəricisidir. Şübhəsiz ki, burada ciddi və sistemli addımların atılması zəruridir. Mövcud durum göstərir ki, bəzi hallarda qanunvericilik birtərəfli işləyir. Tanıdığımız ailələr var ki, qadın boşanmaq qərarı verir və qanun tamamilə onun tərəfində dayanır, halbuki həyat yoldaşı boşanmaq istəmir və normal insandır. Nəticədə kişi həm ailəsini itirir, həm də üç uşaq üçün aliment ödəmək məcburiyyətində qalır. Məsələnin ağırlığı və sosial nəticələri məhz burada ortaya
çıxır. Bu vəziyyət olduqca təhlükəlidir və gələcək üçün ciddi risklər yaradır”.

O deyib ki, ona görə də qanunvericilikdə dəyişikliklərin aparılması qaçılmazdır:

“Bu dəyişikliklərin necə olacağı isə ayrıca müzakirə mövzusudur. Ekspertlər, hüquqşünaslar və sosioloqlar bu məsələ üzərində ciddi düşünməli, balanslı və ədalətli mexanizmlər təklif etməlidirlər. Əks halda, mövcud vəziyyət cəmiyyəti daha da çətin və çıxılmaz bir nöqtəyə sürükləyəcək. Bu qədər boşanmanın qarşısını almaq üçün cərimə mexanizmlərinin tətbiqi müzakirə oluna bilər. Belə bir addımın atılması üçün mütləq şəkildə ekspertlər arasında geniş fikir mübadiləsi aparılmalıdır. Əsas problem ondan ibarətdir ki, mövcud ailə qanunvericiliyi bu günkü reallıqlara və yaranmış problemlərə adekvat deyil. Hətta bəzən elə təəssürat yaranır ki, qanunvericilik boşanmaların qarşısını almaq əvəzinə, bu prosesi dolayısı ilə asanlaşdırır. Bu yanaşma dəyişdirilməli və ailə institutunu qoruyan daha balanslı mexanizmlər formalaşdırılmalıdır”. demokrat.az

Manevr.az