Xəbər lenti
Naxçıvana gedənlərin NƏZƏRİNƏ: Yeni nəqliyyat marşrutu açılır
Araz çayı üzərində inşa olunan Ağbənd-Kəlalə avtomobil körpüsünün tikintisinin mart ayına qədər başa çatdırılması planlaşdırılır.Azərbaycana səfər edən İran xarici işlər nazirinin müavini Vahid Cəlalzadə jurnalistlərə açıqlamasında bildirib ki, körpünün tikintisinin Novruz bayramına qədər tamamlanması nəzərdə tutulur.
İqtisadçı Eldəniz Əmirovun sözlərinə görə, Ağbənd-Kəlalə körpüsü Azərbaycanın əsas hissəsini Naxçıvan Muxtar Respublikası ilə birləşdirən Araz dəhlizinin ən mühüm halqalarından biridir. Körpü, eyni zamanda, regional nəqliyyat xəritəsində də strateji əhəmiyyət daşıyır.
E.Əmirov qeyd edib ki, bu körpü Şərqi Zəngəzur iqtisadi rayonunun xarici bazarlara çıxışını asanlaşdırır. Bundan əlavə, məsafənin hesablanacağı marşrutdan asılı olaraq yolun 60-100 kilometrədək qısalması kənd təsərrüfatı məhsulları və gündəlik istehlak mallarının daşınma xərclərini azalda, nəticədə qiymətlərin ucuzlaşmasına təsir göstərə bilər.
İqtisadçı bildirib ki, körpü Orta Dəhlizin bir qolu kimi Çindən Avropaya daşınan yüklər üçün yeni imkanlar açır. Eyni zamanda, Azərbaycanın öz eksklavı olan Naxçıvanla birbaşa, fasiləsiz və təhlükəsiz quru əlaqəsini təmin edir. Yolların dördzolaqlı olması isə böyükhəcmli beynəlxalq yükdaşımaların sürətli və səmərəli şəkildə həyata keçirilməsinə şərait yaradır. oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
İlqar İlkin
Emil Rasimoğlu
İlqar İlkin
Emil Rasimoğlu
Emil Rasimoğlu
Sorğu
Portalımızı dəyərləndirin.
Çox oxunanlar