Yəni, dövlət universitetlərində təhsil tam pulsuz olacaq.
Qonşu ölkədə atılan bu addım təkcə orada yox, Azərbaycanda da müzakirə yaradıb. Bir çox insan, xüsusilə abituriyent Azərbaycan universitetlərində də belə bir addımın atılmasının tərəfdarıdır.
Bəs görəsən, mümkündür? Azərbaycan təhsilində tam dövlət sifarişli təhsilə keçid üçün imkan varmı?
Təhsil eksperti Elşən Qafarov deyib ki, artıq biz də bu sistemə doğru gedirik:
"Ali təhsilin pulsuz olması təkcə Gürcüstanda yox, bir çox ölkədə tətbiq olunur. Biz də o sistemə doğru gedirik. 24 oktyabr 2013-cü ildə ölkə başçısının 13 nömrəli sərəncamı ilə təsdiq olunmuş "Təhsilin inkişafı üzrə Dövlət Strategiyasında" da qeyd olunub ki, Azərbaycanda da təhsil dövlət hesabına həyata keçirilsin. Keçən müddət ərzində ölkədə ödənişli təhsilin dövlət hesabına təhsillə əvəz olunması ilə bağlı böyük işlər görülüb. Məsələn, 5 il öncə 100 tələbədən 79-u ödənişli təhsil alırdısa, hazırda bu rəqəm 40-ın altındadır".
"Ödənişli təhsil tarixə qovuşacaq".
"Həmçinin ödənişli təhsil alanlar üçün Təhsil Tələbə Kredit Fondu təsis edilib. Burada həm standart, həm sosial istiqamətlər üzrə ödənişli təhsil alan tələbələrin böyük hissəsi yararlana bilirlər. Yaxın gələcəkdə Azərbaycanda da ödənişli təhsilin tamamilə dövlət sifarişli təhsillə əvəzlənəcəyi gözlənilir. Bu istiqamətdə ciddi işlər görülməyə davam edir. Yaxın zamanda ödənişli təhsil anlayışı tarixə qovuşacaq"-,deyə Elşən Qafarov bildirib. bizim.media
.jpg)
