Slovakiyada səkidə qaçmaq qadağan olunur.
Manevr.az xəbər verir ki, Slovakiya parlamenti şəhər ərazilərində piyada yollarında hərəkət sürətinin maksimum 6 km/saat olması ilə bağlı yeni qanun qəbul edib. Qanun 2026-cı ilin 1 yanvarından qüvvəyə minəcək.
Yeni qayda təkcə piyada hərəkətinə deyil, həm də skuter, elektrik skuter, velosiped və paten istifadəçilərinə şamil edilir. Qanunun məqsədi piyada yollarında təhlükəsizliyi artırmaq və toqquşmaların qarşısını almaqdır.
Qadağa faktiki olaraq qaçışın tam dayandırılmasını nəzərdə tutmur, sadəcə piyada yollarında müəyyən olunmuş sürət həddinin aşılmaması tələb olunur.
Yeni qərarın gələn ildən etibarən necə tətbiq olunacağı və cərimələrin necə müəyyən ediləcəyi yaxın aylarda açıqlanacaq.milli.az