Qeysəriyyə əməliyyatı növbəti hamiləlikdə erkən doğuş riski yaradır.
Manevr.az milli.az-a istinadla xəbər verir ki, Londonda Universitet Kollecinin (UCL) tədqiqatçıları müəyyən ediblər ki, doğuşun son mərhələsində edilən qeysəriyyə əməliyyatı gələcək hamiləliklərdə vaxtından əvvəl doğuş riskini artırır.
Araşdırmanın nəticələri "American Journal of Obstetrics & Gynecology" (AJOG) jurnalında dərc olunub.
Tədqiqatda 93 qadın iştirak edib. Onlara fəal doğuş mərhələsində uşaqlıq boynu 4 sm və daha çox açıldıqda qeysəriyyə əməliyyatı olunub. 4-12 ay sonra aparılan transvaginal ultrasəs müayinəsində 90 qadında daxili yara izləri aşkar edilib. Məlum olub ki, uşaqlıq boynu nə qədər çox açılıbsa, yara izi bir o qədər aşağıda uşaqlıq boynuna yaxın əmələ gəlir. Belə aşağı yerləşmiş yara izləri gələcək hamiləliklərdə komplikasiya riskini artırır və daha çətin sağalır.