2025-ci il ərzində valideyn himayəsindən məhrum olan və dövlətin qayğısı ilə əhatə olunan uşaqların övladlığa verilməsi istiqamətində mühüm addımlar atılıb.
Manevr.az bildirir ki, bu barədə Trend-in sorğusuna cavab olaraq Sosial Xidmətlər Agentliyindən məlumat verilib.
Bildirilir ki, 37-si oğlan, 34-ü qız olmaqla, ümumilikdə 71 uşaq övladlığa verilib.
"Onlardan 5 nəfəri Agentliyin tabeliyində olan müəssisələrdə yaşayan uşaqlardır", - qurumdan qeyd olunub.
Qeyd edək ki, 2024-cü ildə 165 uşaq övladlığa verilib. 216 uşaq reinteqrasiya tədbirləri nəticəsində müəssisələrdən öz ailələrinə geri qaytarılıb. Eyni zamanda 2024-cü ildə Əmək və Əhalinin Sosial Müdafiəsi Nazirliyinin qərarı ilə 271 uşaq müəssisəyə yerləşdirilib, 38 uşaq 18 yaşı tamam olduğuna görə müəssisəni tərk edib, 182 uşaq ailə himayəsində saxlanılıb.