Xəbər lenti
Smolenskdə həlak olan azərbaycanlı əsgərin şəxsiyyətini qaşıq əsasında müəyyən etdilər - Şəkillər
Rusiyanın Smolensk vilayətində qalıqları tapılan sovet ordusunun əsgəri Məmməd Xudaverdiyevə məxsus qaşığın Poklonnaya təpəsindəki Qələbə Muzeyində yaxınlarına təhvil verilməsi mərasimi keçirilib.Bu barədə TASS xəbər verir.
"Bizə bəxş etdiyiniz Qələbəyə görə təşəkkür edirəm. Həlak olan qəhrəmanların xatirəsi qəlbimizdə əbədi yaşayacaq", - deyə Xudaverdiyevin yaxın qohumu bildirib.
Öz növbəsində, Azərbaycanın Rusiya Federasiyasındakı səfirliyinin müşaviri Yusif Vəzirov axtarış aparanlara gördükləri işlərə görə təşəkkür edib.
"Siz çox lazımlı, çox vacib işlə məşğulsunuz. Bu, həqiqətən də, bizim ümumi Qələbəmizdir - çoxmillətli Qələbə. Bu, bizim yaddaşımızdır və əbədi olaraq bizimlə qalacaq", - deyə o qeyd edib.
Xatırladaq ki, fevralın əvvəlində "Krasnoarmeyets" axtarış qrupu Smolensk vilayətinin Duxovşinski rayonunda ekspedisiya zamanı Qızıl Ordunun dörd əsgərinin qalıqlarını aşkar edib. Onlardan birinin şəxsiyyəti üzərində "M.F.Xudaverdiyev" yazılmış qaşıq sayəsində müəyyən edilib. Arxiv araşdırmaları nəticəsində məlum olub ki, qaşıq böyük ehtimalla sovet ordusunun əsgəri, 1918-ci il təvəllüdlü Məmməd Fəttah oğlu Xudaverdiyevə məxsusdur. Azərbaycanın Lerik rayonunun Hoveri kəndindən olan Xudaverdiyev 1942-ci ildə Azərbaycan SSR-dən hərbi xidmətə çağırılıb, 134-cü atıcı divizionda döyüşüb. O, 1943-cü il iyunun 1-də Verdino kəndi (Smolensk vilayəti) ərazisində yüksəkliklərə hücum zamanı həlak olub (digər mənbələrə görə, itkin düşüb). oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar