Xəbər lenti
Ciddədən Bakıya reys ləğv edildi, zəvvarlar bu yolla qayıdacaq
Manevr.az xəbər verir ki, bu barədə Teleqraf-a azərbaycanlı zəvvar Mirnahid Əhmədli məlumat verib.
“Hazırda Ciddə hava limanındayıq. Bizə deyildi ki, təyyarə Bakı vaxtı ilə axşam saat 8-də havaya qalxacaq. Səhər bizi gətirən təyyarədə 100-ə yaxın azərbaycanlı var idi. Digər sərnişinlərdə əsasən dağıstanlılar və turistlər də bizimlə idi. Ciddəyə enəndən sonra bizi ayırdılar və Bakıya uçuş ləğv edildiyi üçün otelə yerləşdirdilər. İndi isə bizi yenidən hava limanına gətiriblər,” - deyə zəvvar bildirib.
O əlavə edib ki, İrana getmək və ya İran üzərindən digər ölkələrə yollanmaq istəyən bir neçə zəvvar da Bakıya gətiriləcək, lakin onların sayı dəqiq bilinmir.
M.Əhmədlinin sözlərinə görə, əvvəlcədən planlaşdırılmış uçuş İran hava məkanı üzərindən həyata keçirilməli idi, lakin hazırkı vəziyyətə görə marşrut dəyişdirilərək Misir-Aralıq dənizi-Türkiyə-Gürcüstan xətti ilə aparılacaq. Bu səbəbdən təyyarənin gecə saat 01:00 radələrində Bakıya enməsi gözlənilir.
Qeyd edək ki, Azərbaycanlı zəvvarlar mayın 25-dən 31-dək Məkkəyə Həcc ziyarətinə yollanıblar. Qafqaz Müsəlmanları İdarəsinin təşkil etdiyi ilk rəsmi zəvvar qrupu iyunun 16-da Bakıya qayıdacaq. Hazırda ölkəyə dönənlər fərdi qaydada geri dönmək istəyən zəvvarlardır.
Bildirək ki, İsrailin İrana hərbi zərbə endirməsi fonunda Bakıya planlaşdırılan bir sıra reyslər, o cümlədən zəvvarları daşıyan uçuşlar təxirə salınıb, sərnişinlər isə bir müddət Ciddə aeroportunda gözləməli olublar.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Sorğu
Portalımızı dəyərləndirin.
Çox oxunanlar