Xəbər lenti
Azərbaycanda köhnə avtomobillər 40 faiz bahalaşdı
Avtomobil bazarında manatla satılan maşınların qiymətində ciddi artım müşahidə olunur.
Metbuat.az xəbər verir ki, modelindən və markasından asılı olaraq avtomobillərin qiyməti 30-40% artıb:
“Vəziyyət acınacaqlıdır. Həftə ərzində 1 avtomobil sata bilsək, Allaha şükr edirik. İcarə haqqı da yüksəkdir. Alıcılar demək olar ki, gözə dəymir. Camaatda pul yoxdur. Yalnız həftənin bazar günü burda canlanma müşahidə etmək olar. Elə satıcılar var ki, səhər saat 9-dan axşam 7-yə qədər "bəlkə bir avtomobil sataram" ümidi ilə alıcı gözləyir”, -deyə satıcılardan biri bildirib.
"Avtomobillərin qiymətindəki ciddi artımın ilk səbəbi mövsümi xarakterlə bağlıdır".
Manevr.az bildirir ki, bunu Metbuat.az-a açıqlamasında iqtisadçı Natiq Cəfərli deyib.
“Söhbət qiymətin manatla bahalaşmasından gedir. Avtomobillərin qiymətindəki ciddi artımın ilk səbəbi mövsümi xarakterlə bağlıdır. Yay mövsümündə canlanma müşahidə olunur. Digər səbəb isə xaricdən gələn avtomobillərə müəyyən məhdudiyyətlər qoyulmasıdır. 2005-ci ildən aşağı istehsalı olan Avropa istehsallı avtomobillər Azərbaycana buraxılmır. Bu da köhnə Avropa avtomobillərinin qiymətinə təsir göstərir. Çünki daha az avtomobil Azərbaycana daxil olmağa başlayıb. Yaponiya, Koreyanın 2011-ci ildən aşağı istehsalı olan avtomobillər də ölkəyə buraxılmır. Yəni, onlar standartlara uyğun gəlmir. Bu da həmin kateqoriyaya aid olan avtomobillərin qiymətinin artmasına səbəb olan əsas amillərdən birinə çevrilib. Görünən odur ki, ən azından Gürcüstandan gətirilən avtomobillərin sayında artım müşahidə olunmağa başlayıb. Ötən ilə nisbətən, bu il Gürcüstandan Azərbaycana 2 dəfədən çox avtomobil gətirilib. Bu onu deməyə əsas verir ki, bu sahədə müəyyən canlanma müşahidə olunmağa başlayıb. Amma 2017-ci ilin göstəriciləri ilə 2012-ci ilin göstəricilərini müqayisə etsək, fərq böyükdür. 2012-ci ildə Gürcüstandan ölkəyə 80 mindən yuxarı avtomobil daxil olmuşdu. Bu ilin ilk 5 ayında isə ölkəyə daxil olan avtomobillərin sayı heç 1000-ə çatmır”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar