Xəbər lenti
Koronavirusdan sonra saçlarınız tökülür? - İnfeksionist səbəbləri və çıxış yolunu göstərdi
Bəzi hallarda koronavirusdan sağalan şəxslərdə saç tökülməsi, yaxud yoluxma zamanı və sonrası dəridə müxtəlif səpkilər müşahidə edilir. Bu isə insanlarda problemin daimi olması ilə bağlı narahatlıqlar yaradır.
Maraqlıdır, koronavirusun orqanizmə digər təsirləri nələrdir? Sağaldıqdan sonra, eləcə də xəstəlik müddətində nə kimi problemlər yarana bilər və bu problemlər daimidirmi?
Manevr.az xəbər verir ki, mövzu ilə bağlı sfera.az-a danışan infeksionist Nicat Əzimli koronavirusa yoluxduqdan sonra, 2 ay müddətində saç tökülməsi ilə bağlı problemlərin yaşana biləcəyini deyib:
"Koronavirusdan sonra saç tökülməsi "telogen effluvium" adlandırılan vəziyyətlə əlaqədardır. Belə ki, bu durum hər hansı şok və ya güclü stress sonrası təxminən 2 aya qədər müddətdə başlayan saç tökülməsidir. Bunun səbəbi saç köklərinin inkişafdan qalması və zəif olduqları üçün qoparaq tökülməsi ilə bağlıdır. Bu da koronavirusda təkcə orqanik fəsadların deyil, psixoloji durumun da nə dərəcədə əhəmiyyətli olduğunu, diqqət mərkəzində saxlanılması gərəkdiyini göstərən vəziyyətdir. Xoşbəxtlikdən bu, geri dönən prosesdir. Zamanla baş dərisi və saç kökləri əvvəlki vəziyyətinə qayıdır və saç tökülməsi də dayanmış olur".
İnfeksionist yoluxma zamanı dəri ilə bağlı problemlərin yarana biləcəyini, lakin bunun da keçici olduğunu bildirib: "Koronavirusa yoluxma zamanı və ya yoluxmadan sonra baş verən "urticaria" adlandırılan dəri problemləri isə xəstəliyin əvvəlində və ya sağalandan həftələr sonra yaranıb zamanla itib gedən ləkələrdir. Xəstəlik sonrası belə durumlarla rastlaşdıqda həkim dermatoloqa müraciət etmək lazımdır"
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar