.png)
Xəbər lenti
Vaksinasiyadan imtina edənlərin səbəbləri əsaslıdır? – Həkimdən açıqlama
Dünyanın bir çox ölkələrində, eləcə də Azərbaycanda vaksinasiyadan imtina tendensiyası müşahidə edilir. Bəzi sahələrə girişlə bağlı COVİD pasportu tələbi qoyulsa da, peyvənd vurdurmaqdan çəkinənlər kifayət qədərdir. Bu da vaksinlərin ehtimal olunan fəsadlarından irəli gəlir.
Bəs, peyvəndlərlə bağlı narahatlığa əsas varmı?
Manevr.az-ın xəbərinə görə, tibb elmləri doktoru, professor Musa Qəniyev sfera.az-a açıqlamasında qeyd edib ki, dünyada koronavirus əleyhinə istifadə olunan peyvəndlər ya inaktiv, ya da "vektorlu” peyvəndlər qrupuna aiddir:
"Bu peyvəndlərdən heç biri enzim patologiyası olan məhdud insan qrupu istisna olunmaqla, digər şəxslərdə fəsad və xüsusi müdaxilə tələb edən ciddi əlavə effektlərə səbəb ola bilməz. Nəzərə almaq lazımdır ki, bu cür şəxslərdə təkcə COVİD-19 əleyhinə vaksin deyil, istənilən peyvənd və ya dərman preparatları da atipik reaksiyalar törədə bilər”.
Mütəxəssis vaksin vurdurandan sonra halı pisləşən şəxslərdən də söz açıb:
"O ki qaldı, peyvənddən sonra inyeksiya yerində ağrının olmasına, bu, yan təsir yox, formalaşan immunitetin zəruri reaksiyalarıdır. Yəni, orqanizmdə immunitetin yaranmasının təsdiq əlaməti olub, qısa müddətdən sonra azalaraq tamamilə aradan qalxır. Odur ki, COVİD-19 əleyhinə vaksinasiya zamanı müşahidə oluna bilən bu kimi reaksiyalar peyvəndin fəsadı kimi qiymətləndirilməməlidir. Ümumiyyətlə isə, koronavirusdan qorunmanın ən sadə yolu, yalnız adi gigienik tələb və normal ünsiyyət formalarına əməl etməkdir”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar