Qadının xoruldaması nə üçün təhlükəlidir?

Kişilər kimi qadınlar da xoruldaya bilir və bu, müəyyən sağlıq problemlərindən xəbər verir.
Manevr.az xəbər verir ki, Münhen Universitetinin alimləri yuxuda xoruldamağa meylli olan həm kişilərin, həm də qadınların ürək və qan damarlarında problem yarana biləcəyini aşkar ediblər. Eyni zamanda, mütəxəssislər ürək üçün ən ciddi təhlükənin məhz qadın xoruldaması olduğunu açıqlayıblar.

Xorultu qan dövranı sisteminin mühərriki kimi çıxış edən ürəyin sol mədəciyinin ölçüsünün böyüməsinə səbəb olur. Bunun nəticəsində miokard daha gərgin işləməyə başlayır.
Başqa sözlə, ürək daha tez qocalır, tükənir. Alimlərin işi göstərib ki, xoruldayan qadınlarda ürək əzələsinin bu cür aşınması kişilərə nisbətən daha intensiv baş verir, yəni qadının ürəyi xoruldama səbəbindən zamanla daha tez sıradan çıxa bilir.
Alimlər 5000 insanın həyatını izlədikdən sonra xoruldamanın qadınlarda ürək sağlamlığı üçün ciddi təhlükə olduğunu təsdiqləyiblər.
“Biz aşkar etdik ki, xoruldayan və ya yuxu apnesi olan qadınların ürək xəstəliyi riski daha yüksək ola bilər”.
Tədqiqat müəllifləri qeyd ediblər ki, xoruldama səbəbindən onlarda mədəcik disfunksiyası riski artır: ürək qanı tam pompalaya bilmir, ağciyərlərdə və digər orqanlarda durğunluq yaranır.
Mütəmadi olaraq, xoruldayan insanlar kardioloq qəbuluna getməlidir.“medicina”