Qonşu ölkələrdə yayılan təhlükə: Donuz qripi Azərbaycana da keçə bilər - VİDEO

Bu ilin yanvar ayının əvvəlindən etibarən Gürcüstanda bir neçə nəfər donuz qripindən həyatını itirib.
Qonşu Rusiyada da vəziyyət ürəkaçan deyil. Ölkənin bir sıra məktəb və bağçaları donuz qripi təhlükəsi ilə əlaqədar bağlanıb.
Bəs ölkəmizdə bu epidemiya ilə bağlı vəziyyət necədir?
Səhiyyə Nazirliyinin nümayəndəsi Afaq Əliyeva bildirib ki, hazırda ölkəmizdə donuz qripinə yoluxma faktı aşkarlanmayıb, lakin həmsərhəd ölkələrdə epidemiyanın olması bizdə də təhlükə yaradır.