.jpg)
Xəbər lenti
44 erməni şirkətinin olduğu sərgidə Azərbaycanı 1 ŞİRKƏT TƏMSİL EDİR
"Ulduz” şokolad fabriki Rusiyanın paytaxtı Moskva şəhərində təşkil olunan "PRODEXPO 2017” 24-cü Beynəlxalq qida sərgisində iştirak edir.
Manevr.az-ın məlumatına görə, "Ulduz” şokolad fabriki özünün beynəlxalq standartlara cavab verən 80-dən çox yüksək keyfiyyətli məhsulları ilə sərgi iştirakçılarının böyük marağına səbəb olub. Ötən illə müqayisədə "PRODEXPO 2017” sərgisinə maraq göstərən iştirakçıların sayı 11 %, ekspozisiyaların həcmi isə 12% artıb.
Məlumat üçün bildirək ki, Rusiyanın Kənd Təsərrüfatı Nazirliyinin dəstəyi ilə keçirlən Beynəlxalq sərgidə dünyanın 57 ölkəsindən 2178 şirkət iştirak edir. Ermənistandan isə 44 şirkət bu sərgiyə qatılıb.
Maraqlı məqam isə ondan ibarətdir ki, ölkəmizi "Made in Azerbaijan” adı altında yalnız "Ulduz” şokolad fabriki təmsil edir.
Sərgidə Azərbaycanı "Ulduz” şokolad fabrikindən başqa hansı şirkətlərin təmsil etdiyini öyrənmək üçün İqtisadiyyat Nazirliyinə müraciət etdik. Nazirliyin mətbuat xidmətinin rəhbəri Abbas Əliyev bildirdi ki, onlarda bu sərgi ilə bağlı hər hansı məlumat yoxdur.
Qeyd edək ki, Azərbaycan Prezidenti İlham Əliyev 5 oktyabr 2016-cı il tarixində Azərbaycan mənşəli qeyri-neft məhsullarının ixracının stimullaşdırılması məqsədilə "Made in Azerbaijan” brendi ilə bağlı Fərman imzalayıb.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar