_99.jpg)
Xəbər lenti
Həbs olunan Fədayə Laçın ev dustaqlığına buraxıldı? - QƏRAR
Nəsimi Rayon Məhkəməsində məhbusların xüsusi təyinatlı vaqondan qaçmasına kömək etməkdə təqsirləndirilərək həbs olunan müğənni Fədayə Laçının ev dustaqlığına buraxılması ilə bağlı verilən vəsatətə baxılıb.
Manevr.az xeber.news-a istinadən məlumatına görə, hakim Babək Pənahovun sədrliyi ilə keçirilən iclasda iştirak edən F. Laçın vəsatətin təmin edilməsini xahiş edib. Bildirib ki, bir övladı var, heç vaxt istintaqdan gizlənməyib.
İclasda qərar qəbul edilib. Qərara görə, vəsatət təmin edilməyib.
Vəkil Türkel Süleymanlı deyib ki, qərardan şikayət verəcəklər: "Fədayə xanım heç vaxt istintaqdan gizlənməyib. Hepatit C xəstələyindən əziyyət çəkir. Qapalı yerdə qalmaq səhhətinə pis təsir edir. Biz qərardan şikayət verəcəyik. Əgər təmin edilməsə, onun müalicə müəssisəsinə köçürülməsini istəyəcəyik".
Qeyd edək ki, bu il oktyabrın 23-də Bakı-Astara-Bakı planlı dəmir yolu qarovulu ilə xüsusi təyinatlı vaqonda Bakı şəhərinə müşayiət olunan 1980-ci il təvəllüdlü, əvvəllər məhkum edilmiş, Cinayət Məcəlləsinin müxtəlif maddələri ilə təqsirləndirilən Etibar Ələkbər oğlu Məmmədov və 1989-cu il təvəllüdlü, əvvəllər məhkum olunmamış, CM-nin müxtəlif maddələri ilə təqsirləndirilən Əli Rasim oğlu Ağami müşayiət altından qaçıblar.
Qaçan məhbuslardan Əli Ağami bir neçə gün sonra Şirvan şəhərində tutulub. E. Məmmədov isə keçirilən əməliyyat zamanı hüquq-mühafizə orqanlarının əməkdaşları tərəfindən öldürülüb.
Məhkumların qaçmasına yardım etməkdə təqsirləndirilən 3 nəfər saxlanılıb. Onlardan biri tanınmış müğənni Fədayə Laçındır. Fədayə Laçınla yanaşı, Məhəmməd Hacıyev və Günay Atakişiyeva barəsində həbs qətimkan tədbiri seçilib.
Bundan başqa, hadisə ilə əlaqədar Pentensiar Xidmətin bir neçə əməkdaşı da həbs olunub.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar