.png)
Xəbər lenti
Prezidentlərin xizək sürmək və qolf oynamaq həvəsi -FOTOLAR
Rusiya prezidenti Valdimir Putin və Qazaxıstan prezidenti Nursultan Nazarbayev bu günlərdə rəsmi görüş öncəsi kurort zonasında xizək sürüblər.
İki ölkə rəhbərinin xizək sürməsi marağa səbəb olsa da, heç də gözlənilməz olmayıb. Çünki bundan əvvəl də bir neçə prezidentin qış mövsümündə xizək sürdüyü məlum idi.
Bəs daha hansı prezidentlər xizək sürməyi bacarır?
Əvvəlcə qeyd edək ki, xizək sürən prezidentlərdən biri Azərbaycan prezidenti İlham Əliyevdir. Bir neçə il bundan əvvəl prezident İlham Əliyev, Rusiyanın sabiq prezidenti Dmitri Medvedyev və Ermənistan prezidenti Serj Sarkisyanın Soçidə keçirilmiş birgə görüşündən sonra dövlət başçıları Dağ Xizəksürmə Mərkəzində olmuşdular.
Dövlət başçıları İlham Əliyev və Dmitri Medvedyev mərkəzdə xizək sürmüşdülər. S.Sarkisyan da mərkəzə onlarla birgə daxil olsa da, lakin fotolarda o, xizək sürmə meydanında həmkarlarının yanında görünmür. Yayılan məlumatlar görə, S.Sarkisyan xizək sürməyi bacarmır.
2014-cü ildə Qəbələdə "Tufan" Dağ-Xizək Yay-Qış İstirahət Kompleksinin açılışında da ölkə prezidenti İlham Əliyev və xanımı Mehriban Əliyeva mərkəzdə birgə xizək sürmüşdülər. Fotolarda ölkə başçısının yaxşı xizək sürmək bacarığına malik olduğu aydın görünür.
Belarus prezidenti Aleksandr Lukaşenko da xizək sürməyi bacaran preizdentlər siyahsındadır. 2014-cü ildə prezidentin məharətlə xizək sürməsini əks etdirən fotolar yayılmışdı.
Gürcüstanın sabiq prezidenti Mixail Saakaşvili də xizək sürməyi bacarır. Sabiq prezident illər öncə Ukraynanın sabiq prezidenti Viktor Yuşşenko ilə birgə xizək sürmüşdü.
Qeyd edək ki, regionda xizək sürmək populyar olsa da, dünya liderləri arasında əsasən qolf idman növü daha məşhurdur. O da məlumdur ki, ABŞ prezidentlərinin demək olar ki, böyük əksəriyyəti bu idman növünə böyük maraq göstərib.
Məsələn, sabiq prezident Barak Obama istirahət vaxtlarında tez-tez qolf oynayırdı. Hətta məlum olmuşdu ki, o, prezidentliyi dövründə keçmiş ABŞ prezidenti Corc Buşdan daha çox qolf oynayıb.
Həmçinin keçmiş ABŞ prezidentləri Bill Klinton, Ronald Reyqan və Con Kennedi də ən yaxşı qolf oynayan prezidentlər kimi tanınıblar.musavat.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar