.png)
Xəbər lenti
Xocalı soyqırımı Tacikistanda yad edildi -FOTOLAR
Manevr.az-ın verdiyi xəbərə görə, Xocalı soyqırımının 25 illiyi ilə əlaqədar Azərbaycan Respublikasının Tacikistan Respublikasındakı Səfirliyində mətbuat konfransı keçirilib. Azərbaycanın Tacikistandakı səfiri Abbasəli Həsənov Azərbaycanın müstəqillik tarixinə qanlı səhifə kimi daxil olan Xocalı soyqırımı barədə geniş məlumat verərək, Xocalı soyqırımının dünyada baş verən digər soyqırımlarla bir sırada dayandığını, Xocalı şəhərinin ermənilər tərəfindən əsas hədəf seçilməsinin də daşnakların düşünülmüş siyasətinin tərkib hissəsi olduğunu diqqətə çatdırdı. Xocalının tarixi bir bölgədə yerləşərək Qarabağın tarixi xüsusiyyətlərini özündə əks etdirdiyi, bölgənin yeganə aeroportunun da bu şəhərdə olduğu barədə məlumat verilərək 1988-ci ildən başlamış Ermənistan –Azərbaycan Dağlıq Qarabağ münaqişəsi dövründə ən müdhiş, faciləi, tarixdə analoqu çox az olan hadisələrdən birinin məhz Qarabağın ən qədim məskənlərindən olan Xocalıda baş verdiyi vurğulayaraq, faciənin XX əsrin ən dəhşətli və ən qəddarcasına törədilmiş Xatın, Xirosima faciələri ilə eyni səviyyədə dayandığını bildirdi.
Səfir A.Həsənov 1992-ci ilin qanlı faciəsinə kimi Xocalıda 7 mindən çox əhalinin yaşadığını, məlum hadisələr dövründə Ermənistandan, qonşu Xankəndindən ermənilər tərəfindən didərgin salınmış xeyli Azərbaycanlı və 1989-cu ildə Fərqanədən qovulmuş məhsəti türklərinin də məskunlaşdığı barədə məlumat verdi. 1992-ci ilin fevralın 25-dən 26-na keçən gecə erməni silahlı dəstələri Xankəndi şəhərində yerləşdirilmiş keçmiş SSRİ-nin 366-cı motoatıcı hərbi alayının köməyi ilə həyata keçirildiyini bir daha tədbir iştirakçılarının diqqətinə çatdırdı.
Səfir A.Həsənov eyni zamanda , Azərbaycan Respublikasının Prezidenti Heydər Əliyev 1 mart 1994-cü ildə bu haqda xüsusi fərman verərək, Azərbaycan Respublikasının Milli Məclisininin qərarı ilə 26 fevral “Xocalı soyqırımı və milli matəm günü” kim elan etdiyini xatırladı.
“Sadoi Duşanbe” radiosu, “Mir” və “Cahonnome” telekompaniyası, “Xalq ovazi”, “Faraj” qəzetləri, “Firuza” jurnalı - kimi aparıcı kütləvi informasiya vasitələrinin əməkdaşları ilə yanaşı yerli ictimaiyyətin nümayəndələri və jurnalistlərin iştirak etdiyi Mətbuast konfransında Tacikistanın - verilən suallar cavablandırıldı, Xocalı faciəsinə həsr edilmiş kitab, jurnal və CD-lər onlara təqdim olundu.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar