_99.jpg)
Xəbər lenti
Mal-qara oğurlayan dəstə üzvləri tutulub
Onlar ümumilkdə 10-dan çox heyvan oğurlayıblar.
Lənkəran rayonunda müxtəlif vaxtlarda iri və xırda buynuzlu mal-qara oğurluğunda təqsirli bilinən dəstə üzvləri tutulub.
"Report"un Cənub bürosunun məlumatına görə, Lənkəran Şəhər-Rayon Polis Şöbəsinin (LŞRPŞ) əməkdaşları ilk olaraq Lənkəran şəhəri, Mirsalayev küçəsi, ev 31-də qeydiyyatda olan və Şilavar kəndində yaşayan 22 yaşlı Zəkizadə Seymur Qəhrəman oğlunu yaxalayıblar.
O, özgə əmlakını qabaqcadan əlbir olan bir qrup şəxs halında gizli olaraq talamaqda təqsirləndirilir.
LŞRPŞ-dən faktla bağlı bildirilib ki, "Seymur Zəkizadə 17 dekabr 2015-cı il tarixdə həmkəndlisi Abbasov Fərhad Ağabalı oğluna məxsus iki baş inəyi yaşadığı kənddə yerləşən örüş sahəsindən gizli olaraq talamaqla, zərərçəkən şəxsə ümumilikdə 1592 manat məbləğində ziyan vurub. Növbəti dəfə 19 yanvar 2016-cı il tarixində, həmkəndlisi Ağayev İdris Ramazan oğluna məxsus 1100 və 500 manat qiymətində iki baş inəyi yaşadığı kənddə yerləşən örüş sahəsindən gizli olaraq oğurlayıb. Bundan sonra 23 yanvar 2016-cı il tarixdə Lənkəran şəhəri, Füzuli küçəsi, ev 85-də yaşayan İskəndərov Seyidəli Qafar oğluna məxsus 1000 manat qiymətində bir baş inəyi Lənkəran şəhəri, M.F.Axundov küçəsində yerləşən hasarlanmamış torpaq sahəsindən gizli olaraq talamaqla oğurluq edib".
Həmçinin qeyd olunur ki, Seymur Zəkizadə həmkəndlisi Ağazadə Tural Ceyhun oğlunu da oğurluğa sövq edib. Onlar Lənkəran rayonu, Şilavar kəndi ərazisində yerləşən örüş sahəsindən Hüseynov Ağarza Xeyrulla oğluna məxsus 150 manat qiymətində bir baş qoyunu oğurlayıblar. İyunun 19-da Hüseynova Mehriban Cabir qızına məxsus 2 min 100 manat qiymətində üç baş, Qurbanov Təvəkkül Məmmədağa oğluna məxsus 800 manat qiymətində bir baş inəyi gizli şəkildə mənimsəyiblər. Qrup üzvləri üç gün sonra Hüseynov Ağarza Xeyrulla oğluna məxsus fərdi yaşayış evinin həyətinə qanunsuz daxil olaraq oradan 450 manat qiymətində 3 baş qoyunu oğurlayıblar."
Aparılan axtarış-əməliyyat tədbirləri nəticəsində dəstənin daha bir üzvü də saxlanılıb. 51 yaşlı Zəkiyev Qəhrəman Nəzər oğlu, Zəkizadə Seymurun atasıdır.
Dəstə üzvlərinə qarşı CM-nin müvafiq maddələri üzrə cinayət işi başlanıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Media
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar