.png)
Xəbər lenti
Sumqayıtda məskunlaşan kəlbəcərlilərdən icra başçısına ŞOK müraciət: "Bizə qarşı biganəliyə son qoyun!"
Sumqayıtda məskunlaşan bir qrup Kəlbəcərdən olan məcburi köçkündən Manevr.az saytına müraciət daxil olub. Müraciətdə onlar rayon icra hakimiyyətinin fəaliyyətindən və biganəliyindən narazılıqlarını bildirirlər.
Kəlbəcərlilər rayon rəhbərliyi tərəfindən unudulduqlarını, ümumiyyətlə, yada salınmadıqlarını, biganıliklə qarşılaşdıqlarını vurğulayırlar.
Kəlbəcər rayon İcra Hakimiyyətinin başçısı Aqil Məmmədova ünvanlanan müraciəti olduğu kimi təqdim edirik:
"Hörmətli Aqil müəllim, biz artıq sizə mətbuat üzərindən müraciət etməyə məcbur olduq. Bizi buna sizin rayon rəhbəri kimi bizə qarşı biganəliyiniz və unutqanlığınız vadar etdi. Təəssüf ki, Siz də əvvəlki sələflərinizin "ənənəsini" davam etdirərək Sumqayıtda məskunlaşan kəlbəcərlilərə qarşı laqeydlik və saymazyanalıq nümayiş etdirdiniz. Siz ölkə başçısının səlahiyyətli nümayəndəsi kimi rayona rəhbər təyin olunanda vətəndaşlara qarşı belə münasibətmi göstərəcəyinizi söz vermişdiniz?
Biz sizdən konkret olaraq soruşuruq: Kəlbəcər əhalisi yalnız Gəncə ətrafında, "iqamətgahınıza" yaxın məskunlaşanlardanmı ibarətdi? Sizdən soruşuruq: nəyə görə biz seçkidən-seçkiyə "yada” düşürük? Bir də soruşuruq, nə üçün hər-hansı bayramlarda Sumqayıtda məskunlaşan kəlbəcərliləri bir dəfə yada salıb ehtiyacı olanlarla maraqlanmırsınız? Qarşıdan Müqəddəs Qurban bayramı gəlir. Yəqin hər il olduğu kimi, bizlər yenə də sizin "şanlı siyahınızda" yoxuq.
Bunları vurğulayaraq sizdən xahiş və tələb edirik - bizə qarşı olan bu haqsızlığınıza və biganəliyinizə son qoyun. Biz onsuz da gözümüzü yardımlara, ianələrə dikməmişik. Hər birimiz ilk növbədə, torpaqlarımıza qayıtmaq arzusunda və istəyindəyik. Ancaq unudulmağı və saymamazlığı da qəbul etmirik. Bayramdan-bayrama heç olmasa ehtiyacımız olan ərzaq və digər zəruri təlabatla təmin olunmağımızı tələb edirik. Çünkü buna ölkəmizin hər cürə imkanı var, yetər ki sizin biganəliyiniz olmasın.."
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar