Ronaldonun reklam qiymətləri AÇIQLANDI

"Əl-Nəsr"ın və Portuqaliya millisinin hücumçusu Kristiano Ronaldonun bəzi reklam gəlirləri məlum olub.
Manevr.az publika.az-a istinadla xəbər verir ki, bu barədə "Sportbible" məlumat yayıb.
Forvardın nümayəndələri bu yaxınlarda Səudiyyə Ərəbistanının "Mobile" telekommunikasiya şirkətindən 4,5 saatlıq çəkilişə görə 1 milyon avro tələb ediblər. Buraya fotosessiya, beş imzalı forma və sosial mediada iki paylaşım da daxildir.
Həmçinin, Kristianonun İnstaqramda da bir reklam postu 3 milyon avroya başa gəlir. Bu, hazırkı dövrün ən yüksək qiymətidir.
"Sportlobster" şirkəti də futbolçu ilə müqavilə imzalayıb. Sözləşməyə əsasən, sosial şəbəkələrdə müəyyən sayda paylaşıma görə portuqaliyalı superulduza 300 min avro ödənilir.