Millət vəkili şəhid Cavid Mirzəyevin atası ilə görüşüb - ailəsinin gündəlik qayğıları ilə maraqlanıb

Onunla şəhidimizin keçdiyi ömür yolundan, qəhrəman övladımızın şəhidlik zirvəsinə ucalması haqda danışdıq. Ailəsinin gündəlik qayğıları ilə maraqlandıq, onları narahat edən məsələr barədə fikir mübadiləsi apardıq. Allahdan şəhidimizə rəhmət diləyir, ailəsinə bir daha başsağlığı veririk. 

Qeyd edək ki, Cavid Mirzəyev Vətən Müharibəsində qəhrəmanlıqla iştirak edib, Xocavənd və Füzuli rayonları uğrunda gedən döyüşlərdə xüsusi şücaət göstərib.

Bunu Manevr.az-a aşıqlamasında Millət vəkili Müşfiq Məmmədli deyib:

"Aparılan döyüş əməliyyatlarına qatılaraq  igidlik və şücaət nümayiş etdirdiyinə görə Azərbaycan Prezidenti cənab İlham Əliyevin Sərəncamlarına əsasən Cavid Mirzəyev  "Vətən müharibəsi iştiakçısı” , "Hərbi xidmətdə fərqlənməyə görə” 3-cü dərəcəli medallarla, həmçinin "Hərbi xidmətlərə görə”, "Füzulinin azad olunmasına görə” , "Xocavəndin azad olunmasına görə” medalları ilə təltif olunmuşdu. Baş leytenent şəhidliyindən sonra, Ölkə Rəhbərinin 07.11.2023-cü il tarixli Sərəncamına əsasən, 3-cü dərəcəli "Rəşadət” ordeni” və "Vətən uğrunda” medalı ilə təltif olunub", deputat vurğulayıb.