.png)
Xəbər lenti
Məktəb direktorlarına sərt xəbərdarlıq edildi
Bakı Şəhəri üzrə Təhsil İdarəsi (BŞTİ) paytaxtdakı bəzi məktəblərdə valideynlərdən müxtəlif adlar altında pul tələb olunmasına münasibət bildirib.
Manevr.az-ın xəbərinə görə, idarənin müdiri Məhəbbət Vəliyeva jurnalistlərə açıqlamasında deyib ki, qurumun belə hallara mövqeyi birmənalıdır, çünki valideynlərdən heç bir ad altında pul yığılmamalıdır: "BŞTİ tərəfindən direktorlara bununla bağlı tapşırıqlar verilib və bundan sonra da veriləcək. Bu istiqamətdə fəaliyyətin məktəb rəhbərliyi tərəfindən keçirilməsinə şübhə ilə yanaşıram, çünki onlar bu məsələnin nə qədər diqqət mərkəzində olduğunu yaxşı bilirlər. Amma bunu da qəbul edirəm ki, bəzi hallarda valideyn komitələrinin sədrləri hansısa tədbiri təşkil etmək üçün pul yığmaq təşəbbüsü göstərirlər. Bu da valideynlərdən gələn təşəbbüsdür. Lakin yenə də bu məsələyə məktəb rəhbərliyi nəzarət etməlidir".
M.Vəliyeva eyni zamanda, son dövrlər məktəblərdə müəllimlərin şagirdləri döyməsi faktlarına da toxunub.
Onun sözlərinə görə, məktəbdə uşağın təhsil almaq hüququ ilə yanaşı, digər hüquqları da müdafiə olunmalıdır:
"Təhsil naziri Mikayıl Cabbarov 2011-ci ildə müəllimlərin etik davranış qaydaları ilə bağlı müvafiq əmr imzalayıb. Həmin qaydalardakı bəndlərdən biri də müəllimlərin davranışında uşaqlara qarşı zorakılıq hərəkətlərinə yol verilməməsi ilə bağlıdır. Təbii ki, ictimaiyyətin hər bir nümayəndəsi kimi bizim də bu məsələyə münasibətimiz çox sərtdir. Nəzarət mexanizminə gəlincə, bununla bağlı məktəb direktorları və digər əməkdaşlarla qaydalara riayət edilməsi ilə əlaqəli mütəmadi söhbət edirik. İdarə bu kimi halları ciddi nəzarətdə saxlayır. Bu gün və gələcəkdə orta məktəblərdə şagirdlərə qarşı hansısa kobud hərəkət edən müəllimlər inzibati qaydada cəzalandırılacaq".Report
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar