Azərbaycanda müəllimlər və digər təhsil verənlər sertifikasiyaya cəlb edilirlər.

Manevr.az-ın məlumatına görə, bununla bağlı Azərbaycan Prezidenti tərəfindən Əmək Məcəlləsinə və “Təhsil haqqında” qanuna əlavə və dəyişikliklər təklif edilib.

Layihəyə əsasən “Təhsil haqqında” qanunun 1-ci maddəsinə 6-1 və 8-1 bəndləri əlavə edilir.

Təklif olunan 6-1 bəndində deyilir ki, sertifikasiya - dövlət ümumi təhsil müəssisələrində pedaqoji və idarəetmə fəaliyyəti ilə məşğul olan, ali və orta ixtisas təhsilinə malik təhsilverənlərin peşəkarlıq səviyyəsinin və peşə yararlılığının yoxlanılması prosedurudur.

8-1 bəndində isə bildirilir ki, beynəlxalq səviyyədə akkreditasiya olunan təhsil proqramı – beynəlxalq təşkilat və ya xarici dövlət tərəfindən müəyyən edilmiş standartlara uyğun tətbiq edilən, məzunlarına iki və daha çox xarici ölkələrin ali təhsil müəssisələrində təhsil almaq hüququ verən təhsil proqramıdır (IB Diploma Programme (Beynəlxalq Bakalavriat Diplom Proqramı), Advanced Level of General Certificate of Education (Təhsil haqqında ümumi sertifikatın yüksək səviyyəsi) və SABİS (YÜksək yerləşdirmə) təhsil proqramıdır).

Əmək Məcəlləsinə təklif olunan 67-2 (Azərbaycan Respublikasında dövlət ümumi təhsil müəssisələrində işləyən təhsil verənlərin sertifikasiyası) maddəsində bildirilir ki, Azərbaycanda dövlət ümumi təhsil müəssisələrində işləyən təhsil verənlərin peşəkarlıq səviyyəsinin və peşə yararlılığının yoxlanılması məqsədi ilə həmin işçilər “Təhsil haqqında” qanunda nəzərdə tutulmuş qaydada sertifikasiyaya cəlb olunurlar.

Layihələr Milli Məclisin Əmək və Sosial siyasət komitəsinin sabah keçiriləcək iclasında müzakirəyə çıxarılacaq.

Xəbəri paylaş

Müəllif: Kazımov Məhəddin

Tarix: 21 may 2018 21:50

Maraqlıdır DQ ,MİQ müəllimin püşəkarlığını və işə yararlılığını yoxlayıb təsdiq etmirmi?Bütün müəllimlər bu prosedyrları demək olar ki,keçib.Azərbaycanda 150.000 -ə yaxın müəllim var.Bunun 140.mini DQ və ya MİQ-lə işə gəlib.Milli məclis bu məsələyə necə baxacaq bilmirəm,Prezidentin təklifinə necə münasibət bildirəcəklər bilmirəm.Ən azı 5-il DQ-dən keçənlər və MİQ-lə gələnlər elə sertifikat alıblar kii yoxlamadan keçiblər.Düzdür Təhsil Millətin Gələcəyidir.Ulu öndərimiz çox dolğun ifadə edib.Sovet hökuməti vaxtı dükanda əskiyi gələn dükançılara ayda bir dəfə RİVİZİYA gəlirdi.Yazıq dükançı bilmirdi dükandakı əskik malın pulunu qazanıb yerinə qoysun, ya gələn RİVİZİYALARDAN çıxarıb tutmasınlar deyə yenə işləmək üçün möhlət alsın.Rüşvət verməklə.Rivizorlar əskiyi düzəltməyə imkan vermirdilər ,Yazığın dərisini soyub axırda tuturdular.NİYƏ yazdım.YOXLA,YOXLA AXIRDA DE Kİ ,SƏN YARARSIZSAN,