_99.jpg)
Xəbər lenti
5800 tələbə BDU-nu seçdi
Bu il qəbul imtahanlarında 500-dən yuxarı bal toplayan 1500 nəfər Bakı Dövlət Universitetini (BDU) seçib.
BDU-nun mətbuat katibi Pərvanə İbrahimovanın Axar.az-a verdiyi məlumata görə, bu il ali təhsil müəssisələrinə keçirilən qəbul imtahanlarında respublika ali məktəbləri arasında ən çox tələbə qəbulu Bakı Dövlət Universitetinin payına düşür.
“BDU-nun bakalavriat səviyyəsinə universitetin Qazax filialı da daxil olmaqla 5100, magistratura səviyyəsinə 700 nəfər qəbul edilib. Qəbul imtahanı verən tələbələrdən 600 və daha yüksək bal
toplayan 390, 500-700 arası bal toplayan 1500 nəfər Bakı Dövlət Universitetini seçib ki, bu da respublikada 500-700 bal toplayan abituriyentlərin 21%-ni təşkil edir. Bu göstərici ötən tədris ili ilə müqayisədə 204 nəfər çoxdur. 3-cü ixtisas qrupu üzrə 700 bal toplayan 2 nəfərin seçimi də BDU olub. Bu tədris ilində BDU-nun SABAH qruplarında təhsil alan tələbələrin sayı 172 nəfərdən 250 nəfərə qədər yüksəlib. Eyni zamanda, bu il SABAH qruplarına 10 ixtisas üzrə qəbul aparılıb ki, onlardan Psixologiya və Biologiya müəllimliyi yeni ixtisaslardır. Ümumilikdə, BDU-nun SABAH qrupları tələbələrinin sayı 595 nəfərdir”,-deyə o bildirib.
Bu il Bakı Dövlət Universitetinin bakalavriat səviyyəsində Korreksiyaedici təlim adlı yeni yeni ixtisas açıldığını da bildirən mətbuat katibi universitetin Qazax filialında da 7 yeni ixtisas açıldığını vurğulayıb:
“Cari ildə BDU-nun Qazax filialına 13 ixtisas üzrə tələbə qəbulu aparılıb və bu ötən tədris ili ilə müayisədə üç dəfə artıqdır. Həmin ixtisaslardan Fizika müəllimliyi, Riyaziyyat müəllimliyi, Kimya biologiya müəllimliyi, Sosial iş, Tarix, Tarix müəllimliyi, Coğrafiya müəllimliyi yeni ixtisaslardır. Bu il filiala Bakı şəhəri də daxil olmaqla, 54 şəhər və rayondan 400 nəfər tələbə qəbul olub ki, bu da ötən tədris ili ilə müqayisədə 262 nəfər çoxdur. Onu da bildirim ki, ixtisas seçimində Qazax filialını 150 nəfər birinci, 76 nəfər isə 2-ci və 3-cü sırada qeyd ediblər. Ümumilikdə, filialda təhsil alan tələbələrin sayı 700 nəfərdir”.
Mətbuat katibi BDU-nun nəzdində fəaliyyət göstərən “Gənc istedadlar” liseyindən məzunlarının nəticələrindən də danışıb:
“Liseyin 46 məzunundan 13-ü 600-dən artıq bal toplayıb. Həmin məzunlardan 7 nəfəri qızıl, 1 nəfəri gümüş medal alıb, 9 nəfər isə fərqlənmə attestatına layiq görülüb. Liseyi bitirən məzunların hamısı əvvəlki illərdə olduğu kimi, bu il də yüksək göstəricilərlə yerli və xarici universitetlərə qəbul olunublar”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar