Xəbər lenti
Doktorantlara hərbi xidmətdən möhlət verilir - Şərt
Manevr.az modern.az-a istinadla xəbər verir ki, qanunvericilikdə doktorantura təhsili alan çağırışçılar üçün hərbi xidmətdən möhlət hüququ nəzərdə tutulub. Lakin bu hüquq doktoranturanın əyani təhsilalma formasına şamil edilir.
Belə ki, “Hərbi vəzifə və hərbi xidmət haqqında” Azərbaycan Respublikası Qanununun 21.1.7-ci maddəsinə əsasən, əyani təhsilalma formasında doktoranturada (adyunkturada) təhsil alan çağırışçılara təhsilini bitirənədək müddətli həqiqi hərbi xidmətə çağırışdan möhlət hüququ verilir.
Nazirlər Kabinetinin 1 iyul 2010-cu il tarixli 129 nömrəli qərarı ilə təsdiq edilmiş “Doktoranturaların yaradılması və doktoranturaya qəbul Qaydaları”na əsasən isə doktoranturada təhsil iki formada həyata keçirilir: əyani – istehsalatdan ayrılmaqla və qiyabi – istehsalatdan ayrılmamaqla. Bu baxımdan, əyani doktorantura təhsili istehsalatdan, yəni əsas iş fəaliyyətindən ayrılmaqla həyata keçirilməlidir.
Qaydaların 3.35-ci bəndində əyani doktorantların işləməsi ilə bağlı istisna da müəyyənləşdirilib. Buna əsasən, əyani təhsil alan doktorant elmi rəhbərinin razılığı ilə yalnız təhsil aldığı ali təhsil müəssisəsində, elmi müəssisədə və ya təşkilatda 0,5 ştat vahidi ilə elmi və ya elmi-pedaqoji fəaliyyət göstərə bilər.
Yəni yalnız doktoranturaya qəbul olunmaq hərbi xidmətdən avtomatik möhlət hüququ yaratmır. Möhlət hüququndan yararlanmaq üçün doktoranturada əyani təhsilalma forması və qanunvericilikdə müəyyən edilmiş digər tələblər nəzərə alınmalıdır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Rəfail TAĞIZADƏ
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar