Xəbər lenti
Elm və Təhsil Nazirliyində nə baş verir? - “Rəsmi açıqlama olmalıdır!”
Hər iki şəxs uzun müddət Elm və Təhsil Nazirliyi sistemində fəaliyyət göstərib. Onların eyni gündə vəzifədən getməsi sosial şəbəkələrdə və ictimai müzakirələrdə müxtəlif suallar doğurub, əlavə iddialar yayılıb. Məsələn, qeyd olunur ki, qarşıdakı günlərdə yeni istefalara şahid ola bilərik və s.
Manevr.az-ın xəbərinə görə, modern.az-a açıqlamasında Milli Məclisin Elm və təhsil komitəsinin üzvü Ceyhun Məmmədov deyib ki, məsələ ilə bağlı Elm və Təhsil Nazirliyi ictimaiyyətə aydın və rəsmi açıqlama verməli, öz mövqeyini bildirməlidir.
“Bu dəyişikliklər nazirlikdə aparılan islahatların bir hissəsidirmi, yoxsa başqa səbəblərə əsaslanır? Cəmiyyətdə yaranan sualları və narahatlıqları nəzərə alaraq, Nazirliyin bu məsələyə münasibət bildirməsi vacibdir”,- deyə millət vəkili qeyd edib.
Deputat həmçinin vurğulayıb ki, Elm və Təhsil Nazirliyi mövqeyini açıq şəkildə ortaya qoymalıdır:
“Hazırda Elm və Təhsil Nazirliyi cəmiyyətin ən çox fəaliyyətini müzakirə etdiyi və müəyyən narazılıqların ünvanlandığı qurumlardan biridir. Bu narazılıqların bir qismi obyektiv səbəblərə, digəri isə subyektiv yanaşmalara əsaslana bilər. Amma istənilən halda, ictimai rəyin nəzərə alınması və cəmiyyətdə olan çaşqınlığa aydınlıq gətirilməsi üçün nazirlik baş verən dəyişikliklərlə bağlı mövqeyini açıq şəkildə ortaya qoymalıdır”.
C.Məmmədov əlavə edib ki, söhbət iki aparıcı strukturun rəhbərlərinin dəyişməsindən gedir:
“Hər iki şəxs həm səlahiyyətli mövqelərə sahib idi, həm də Elm və Təhsil Nazirliyinə yaxınlığı ilə seçilirdi. Bu baxımdan, dəyişikliklərin səbəbi barədə rəsmi cavabın verilməsi cəmiyyətin doğru məlumatlandırılması baxımından mühüm əhəmiyyət daşıyır”.
Deputat onu da diqqətə çatdırıb ki, təhsil sahəsində dərin və sistemli islahatlara ehtiyac var:
“Təhsil sahəsinə rəhbərlik edən şəxslər mütləq peşəkar, bu sahəni dərindən bilən, yüksək idarəçilik bacarığına malik mütəxəssislər olmalıdır. Bugünkü mərhələdə təhsil islahatları daha da sürətləndirilməli və effektiv idarəetmə təmin olunmalı, təhsilimizin səviyyəsi zəfərimizə uyğun gəlməlidir", - deyə C.Məmmədov qeyd edib.
Modern.az Təhsilin İnkişaf Fondundan istefa verən Elnur Nəsibovla Peşə Təhsili üzrə Dövlət Agentliyinin sabiq direktoru Ceyhun Kərəmovun da məsələyə münasinətini öyrənməyə çaılışıb. Lakin onlar telefon zənglərinə cavab verməyiblər.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
İmarət Cəlilqızı
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Sorğu
Portalımızı dəyərləndirin.
Çox oxunanlar