Beynəlxalq Müəllimlər Günü ərəfəsində valideynlərdən pul toplanması ilə bağlı yeni şikayətlər ortaya çıxıb.

Manevr.az xəbər verir ki, şikayətçi valideyn məsələni təsdiqləyən bank məlumatlarını, çekləri və valideyn komitəsinin səs yazısını redaksiyaya təqdim edib.

Səs yazısında danışan şəxsin Abşeron rayonu, Xırdalan şəhərindəki 2 saylı tam orta məktəbin 7b sinif valideyn komitəsinin sədri Aynurə Hümbətova olduğu iddia edilir. Bildirilir ki, sinif rəhbəri valideyn komitəsi vasitəsilə hər ailədən 30 manat pul yığılacağını bildirib.

Məktəb rəhbərliyi və müəllimlər bu iddianı inkar etsələr də, bəzi şagirdlər pul yığılmasının baş verdiyini bildiriblər.

Məsələ ilə bağlı Abşeron-Xızı Regional Təhsil İdarəsindən bildirildi ki, 5 oktyabr günü ilə bağlı valideynlər tərəfindən qiymətli əşyaların hədiyyə edilməsi, pul yığılması yolverilməzdir. Həmçinin, qeyd edildi ki, sözügedən hadisə ilə bağlı araşdırmalara başlanılacaq.